Ndando ya Tindando 6:4 - Bhiblia Yo Sawuleka

⁴ Awe mndoni wangu u tshurile nga didhoropa da Tiriza, u tshurile kufana ni Jerusalema, u xamalisa kufana ni dibutho di di ku ni m'jeke.

Ndando ya Tindando 6:4 Referans Kwoze

Ndando ya Tindando 6:10

I mani wuwa a wonekisako ku nga wuronga, wo tshura nga mtxima, wa kuwoninga nga ditambo, wo thisa nga dibutho da yimbi di ku ni m'jeke kani?

Masalmo 48:2

Siyoni, mmango wo tshura ngutu kupinda yotshe mimango, litsako la mafu otshe, ngu wona mmango wa ditshuri wa Txizimu.

1 Vafumeli 14:17

Sekoko, msikati wa Jerobhowamu, a to khukha e tsula Tiriza; mbimo yi a nga hoka hafuhi ni ditimba, mfana a to fa.

Mtuletelo 21:2

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Ndando ya Tindando 4:7

Mndoni wangu, u tshurile ngutu, kha ku na txi txi solekako kwako.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

Vaefesu 5:27

kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Ndando ya Tindando 5:2

Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.

Ndando ya Tindando 1:15

Wona taku u tshurile ngutu, awe mndoni wangu, wona taku u tshurile ngutu; maso ako ma fana ni a situvani.

Ndando ya Tindando 1:5

Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.

1 Vafumeli 15:33

Ka dilembe da wuraru da Asa, mfumeli wa Judha, a to khata kufuma Bhahasa, mwana Ayasi, txitimwi ka kotshe Israyeli kona Tiriza, a to fuma magumi mambidi a malembe ni mune.

1 Vafumeli 15:21

Se ku to maheka to a di ti pfite Bhahasa, a to leka kuaka Rama, eya zumba Tiriza.

Masalmo 48:3

Txizimu, txi txi ku mikhokholani ka txona, txi ti wonekisile kota wuthavelo wo tsana.