Ndando ya Tindando 6:13 - Bhiblia Yo Sawuleka

¹³ Wuya, wuya awe Mxulamita, wuya, wuya kasi ku hi txi kuwona. Ngu kutxani u wonetelako Mxulamita a txi nga o sinya hagari ka mabutho mambidi a yimbi kani?

Ndando ya Tindando 6:13 Referans Kwoze

Genesisi 32:2

Mbimo yi Jakobe a nga ti wona a ti khene: “Ndide dibutho da Txizimu!” Wukhalo wuwa a to wu raya ditina daku i Mahanayime.

Vahebheru 7:2

Ngene wuwa Abrahamu a nga ya mninga wugumi wa sotshe. Kambe ditina dakwe, kukhata, di womba ku “mfumeli wa kululama.” Ka wumbidi, mfumeli wa Salema ti womba ku “mfumeli wa kudikha.”

2 Vatesalonika 1:10

mbimo yi a nota ka edo ditshiku, kasi ku ta dhumiswa hagari ka vasawuleki vakwe, ni ku ta xamalwa hagari ka vale va nga kholwa kwakwe, kufana ni nanu mi nga amukela wufakazi wathu.

Vagalatiya 5:17

Nguko nyama yina ni minavelo yo hambana ni Moya; Moya ni wona wuna ni minavelo yo hambana ni nyama. Asiya sa simbidi sa bangana, kasiku mi si mahi kuranda kwanu.

Varoma 7:23

kambe amu ka sihango sangu ni mana wumwani mlayo awu wu lwako ni Mlayo wu wu tsimbitisako mialakanyo yangu, wona wu ni ndindela wukhumbini ka txionho txi txi ku ka sihango sangu.

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Johani 10:16

Nina ni timwani tinvuta kambe, ti sinziko kuvata txibala txiya, aniko kulaveka ti to ni ti tshanganisa, ti ta engisa dipswi dangu, se ku nava ni mtxhambi wumwewo ni M'dyisi mmweyo.

Johani 9:7

e di gela ku khene: “Tsula u txi ya samba dizivani ka Silowame (ti ti wombako ku ‘Txirumwa’).” Ti di mahile eto, ene a tsute eya samba, se e wuya a txi wona.

Luka 15:10

Ani na mi gela ku khani, kufana ni toneto, ku na ni litsako la hombe masoni ka tingelozi ta Txizimu, ngu txionhi tximwetxo txi hundulukako.”

Luka 7:44

Se a txi tshembereka, a txi wonetela awule wamsikati, a txi gela Simoni ku khene: “Wa mu wona wu wamsikati, kani? Ni wulete nyumbani kwako, khwa ni ha mati a kusamba mikondo, aniko ene a nakanisile mikondo yangu ngu mirongo yakwe, a txi yi bahulela ngu misisi yakwe.

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Isaya 8:6

Nguko vathu vava, va txhipisile mati a Silowame, aawa ma khulungako kha kwati, ve tsakela Rezimi ni mwana Remaliya.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Ndando ya Tindando 1:6

Mi nga woneni ku ni ku ni mtima, nguko ditambo di woningile txitimwi kwangu. Tindiyangu ti ni henyete, se ti ni mahile muwoneleli wa tithembwe; thembwe yi yi ni lumbako kha na yi xayisa.

Masalmo 76:2

Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.

2 Samuwele 17:24

Se Dhavhidha a to ta Mahanayime; kambe Abhisalome a to txhatuka Jordhani ni votshe vavamna va ka Israyeli vale a nga ti ti navo.

Valamuli 21:21

Se ngako mi txi wona vanana vamahorana va Silo, va txi huma ngu mitxawa kuya sinya, nanu mi na huma ngu mu ka mivhinya, se mmwani ni mmwani kwanu, a na ti ñolela msikati, ka mahorana a Silo, mi txi wuya navo ditikoni ka va ka Bhenjamini.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Ndando ya Tindando 6:12

Na ni sanzi ku tipfa, moya wangu wu ni wuletile mu ka sikotxikani sa vathu vangu vavanene.