Ndando ya Tindando 6:11 - Bhiblia Yo Sawuleka

¹¹ Ni relete thembweni ka mitshulani, kuya wona siluva sa mkovani, ni kuwona ti to mwendo mivhinya yi thungile, ni kumwedo miromani yi velekile wuluva.

Ndando ya Tindando 6:11 Referans Kwoze

Ndando ya Tindando 7:12

A hi wuke ni mixo hi ya mivhinyani, hi ya wona ti to mwendo mauvha ma veleka, mwendo siluva sa ona sa baleka, ni ku mwendo miromani yi mite, Koneyo ni na ya kuninga lirando langu la hombe.

Mithumo 15:36

Ngako ku di pindile masiku okari, Paulo a to gela Bharnabhasi, a txi khene: “He tshumele hi ya xola vanathu kotshe madhoropani mu hi nga nuwela dipswi da Mkoma, kasi kuwona ati va hanyisako tona.”

Marku 11:13

Ngako a txi wona, a di kule, mndonga wa mkuwu, awu wu ku ni mazokoro, a to hambuka eya wona ku mwendo a nga mana txo maha ka wona, aniko ngako a di hokile ka wona, kha mana txilo hahanze ka ona mazokoro dwe, nguko i nga si nga mbimo ya makuwu.

Ndando ya Tindando 6:2

Txirandwa txangu txa relela thembweni kwakwe, ka tindima ta sibhumuliso, kasi kuya ti dyisa tindimani ni kuhaphela makoñwa.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Genesisi 2:9

Se Mkoma Txizimu, a to maha ti to ku txi mila totshe tixaka ta mindonga ha mafuni, ayi yi tsakisako ni ku yi wona, ni yi yi ku ni mihando yo tshamba yo dyiwa, ni mndonga wa wutomi hagari ka thembwe, ni mndonga wa ta tinene ni to biha.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Luka 13:7

Se a to gela mxayisi wa thembwe a txi khene: ‘Hinga wona, ku ni malembe mararu ni tako ni lava mihando ka mkuwu wuwa, aniko kha ni yi mani; se wu xakelela txani mafu kani?’

Genesisi 40:10

Se aha ka m'vhinya ku ti ni madhavi mararu: Madhavi ma nga thunga linyempfu, ma txi humisa siluva, si si nga veleka sizangwa sa mauvha o vitwa.

Ndando ya Tindando 6:12

Na ni sanzi ku tipfa, moya wangu wu ni wuletile mu ka sikotxikani sa vathu vangu vavanene.

Ndando ya Tindando 7:13

Mandragora ma humisa kubhumula ka ona, ni sikenini kwathu ku ni mihando ya totshe tixaka, ya yiphya ni ya kale; yi ni ku xayiselako yona, awe txirandwa txangu.