Ndando ya Tindando 5:6 - Bhiblia Yo Sawuleka

⁶ Ni to tulela txirandwa txangu, kambe a ti ti khukhile e tsula. Mhefemulo wangu wu to guma mtamo, mbimo yi ene a nga womba-womba ni nani; ni to mlava, kambe kha na mmana; ni m'dhani, kambe kha orovela.

Ndando ya Tindando 5:6 Referans Kwoze

Ndando ya Tindando 5:2

Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Marku 14:72

Konaho mkuku wu to emba ka wumbidi. Se Pedro e khumbula atile Jesu a nga ti mgete taku: “Wu sanzi kuemba kambidi mkuku, awe u na ni lamba kararu.” Konaho a to khata kudila.

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

Zakariya 7:13

Se ku to maheka tito, ngako ene a nga kwangula, vona kha va engisa, ngu toneto, ni vona va na kwangula, aniko ani kha ni na mbi va engisa, kuwomba Mkoma wa Mabutho a Tiyimbi.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Sidilo 3:8

Hambi ni txi dila, ni kupeka huwa, ene kha amukeli mkombelo wangu.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Isaya 57:16

Nguko kha ni na mbi lwa kala kupinduka, hambi kuya masoni ngu kuhenya; nguko moya wu nga guma mtamo masoni kwangu, ni mihefemulo yile ni nga yi va nga.

Isaya 50:2

Ngu kutxani ni ngata ni si ta mana m'thu kani? Ngu kutxani ni nga mi dhana, ku si oroveli ni wammweyo kani? Ina dianza dangu di to khwanyela, niza ni si sikoti kutirula kani? Ni ku mwendo kha ni ngadi ni mtamo kasi kutxhatxhisa kani? Wonani taku, ngu kukawuka kwangu na omisa linene, ni maha ti to minambo yi hunduluka yiva siwula, kala kuza sihaka sa kona si nunga, nguko kha ku nga ni mati, se sa fa ngu ditora.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Ndando ya Tindando 6:1

Txi yite hani txirandwa txako, awe wo tshura ngutu hagari ka vavasikati kani? Txi yite hani txirandwa txako hi na kuvhuna kulava kani?

Ndando ya Tindando 5:4

Txirandwa txangu txi to wuletisa diwoko ngu ha ka ditshoko da ditimba, se mbilu yangu yi to nyawukelwa ngu lirando.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Masalmo 80:4

Mkoma, Txizimu txa mtamo wotshe, u na henya kala mbimo muni u txi lamba kuengisa vathu vako va khongelako kani?

Masalmo 77:3

Ngako ni txi alakanya Txizimu, na dila; ngako ni txi pimisela na guma mtamo.

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Masalmo 30:7

Awe u wamnene kwangu, Mkoma, kambe u ni ningile kutsana, aniko, ngako u txi ni tshuralela, na tala ngu dizowa.

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

2 Samuwele 16:10

A to khene kambe mfumeli: I txani ni ku natxo ni nanu, anu vanana va Zeruiya kani? Mlekeni e ni ruketela, nguko Mkoma a m'gete ku khene: Ruketela Dhavhidha, nguko i mani a no womba ku khene: U maha txani toneto kani?

1 Samuwele 28:6

Se Sawule a to wotisa ka Mkoma, kambe Mkoma kha mxamula, hambi ngu miloro, mwendo ngu tixolo, hambi ngu vaprofeti.

Genesisi 42:28

A to khene ka vanawe: Va tshumetile male yangu, ndiye yi ho mu disakani kwangu ka fulaho: Sekoko timbilu tawe ti to ema, va txi kha vona mmwani ni mmwani: “Kasi nda txani tona tiya Txizimu txi hi mahelako kani?”