Ndando ya Tindando 5:2 - Bhiblia Yo Sawuleka

² Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.

Ndando ya Tindando 5:2 Referans Kwoze

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Zakariya 4:1

Se ngelozi yile yi nga womba-womba ni nani, yi to wuya kambe, yi ta ni wusa, ku nga m'thu wu a wuswako ha wukoheni kwakwe;

Ndando ya Tindando 6:9

Aniko txituvana txangu njimwetxo, wa kwa mbi na txionho, ngene ekha ka mame wakwe, txirandwa txa wule a nga m'veleka; Ngako mahorana ma txi mu wona, va m'dhana ku wu wo kateka, vafumeli va txisikati ni vavasikati vavadotho va na m'dhumisa.

Masalmo 119:1

Va katekile vale va tsimbilako ngu nzila yo lulama, ava va hanyako madingano ni Mlayo wa Mkoma.

Matewu 8:17

Kasi kutatiseka ati ti nga wombwa ngu mprofeti Isaya, a txi khene: “Ene a tekile sikarato sathu, a txi rwala ni malwati athu.”

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Ndando ya Tindando 8:7

Kha ku na mati a ma nga sikotako ku tima lirando, kambe kha ku na mnambo wu wu nga sikotako ku li bhwabhwanetisa. Hambi ku ngako m'thu a txo ningele thomba yotshe ya nyumbani kwakwe ngu mhaka ya lirando, magwito a kona ngu kunyenywa dwe.

Ndando ya Tindando 7:9

Se tshambelo yako yi fana ni vhinya ya yinene, ka txirandwa txangu, yi yi selwako ngu mkhatala, yi rithimukako sisofuni ka vale va otelako.

Ndando ya Tindando 5:11

Msungo wakwe wu fana ni nzalam yo hehuka ngutu, misisi yakwe yi laphile, ya mtima nga digwana.

Ndando ya Tindando 4:9

U ni dute mbilu, ndiyangu, awe txirandwa txangu, u ni thote mbilu ngu maso ako, ngu liketani limwelo li ku thamoni kwako.

Ndando ya Tindando 4:7

Mndoni wangu, u tshurile ngutu, kha ku na txi txi solekako kwako.

Ndando ya Tindando 3:1

Ni wusiku ha m'bhedhuni kwangu, ni to lava wule muhefemulo wangu wu mrandako, ni mlavile, aniko kha na mmana.

Ndando ya Tindando 2:10

Txirandwa txangu txi kha txona kwangu: Wuka, awe mndoni wangu, ngono, ngono nyakutshurawe wangu.

Ndando ya Tindando 2:8

Adiya dipswi da txirandwa txangu; nditxele txata, txa kwelela txitimwi ka mimango, txa ndaka-ndaka txitimwi ka simangwana.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Masalmo 81:10

Ani Mkoma, ngani ni ku Txizimu txako, ngani ni nga kuhumisa ngu Egipta. Ni na kuninga sakudya yotshe mbimo u no pfa nzala.

Genesisi 29:20

Ngu kumaha keto, Jakobe a to thumela Rakeli mtxhanu wa malembe ni mambidi; malembe awa a ma woni i di masiku amadotho, nguko a ti ti mramda ngutu.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Mtuletelo 3:4

Kambe, didhoropani ka Sardhisi, u na ni vathu vavadotho va va nga mbi nyeta syambalo sawe, vona va na tsimbila ni nani, va di ambate tinguwo to basa, nguko va ni fanelo yeto.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Johani 10:4

Se ngako a di humisile totshe tinvuta takwe, wa thangela masoni ka tona, se tinvuta ti mu londetela ngu msana, nguko ta di ziva dipswi dakwe.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Luka 9:32

Kambe Pedro ni va a nga ti navo, va ti nemelwa ngu wukohe. Mbimo yi va nga wuka, va to wona kuphatima kwakwe, ni vavamna va vambidi ava va nga ti emile nayo.

Luka 6:12

Ka ale masiku Jesu a to ya mmangoni kuya khongela. Se e pila wusiku wotshe a txi khongela ka Txizimu.

Marku 1:35

Ni mixo, ku di ngadi phum, a to huma nyumbani eya ka wukhalo wa ekhalela, a txi ya khongela kona.

Dhaniyeli 8:18

Se a txi nga txi womba-womba ni nani, ni to wa hahatshi ngu khohe yangu, ni tsivala; ene koko a to ni ñola e ni emisa.

Matewu 7:8

Nguko mmwani ni mmwani a kombelako, wa ningwa; awu a lavako, wa si mana; ni wule a gogotako, a na tulelwa.

Ndando ya Tindando 1:16

Wona taku u zumbisekile ni kutsakisa, awe txirandwa txangu; m'bhedhu wathu mbwo tshura.

Ndando ya Tindando 5:6

Ni to tulela txirandwa txangu, kambe a ti ti khukhile e tsula. Mhefemulo wangu wu to guma mtamo, mbimo yi ene a nga womba-womba ni nani; ni to mlava, kambe kha na mmana; ni m'dhani, kambe kha orovela.