Ndando ya Tindando 5:16 - Bhiblia Yo Sawuleka

¹⁶ Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 5:16 Referans Kwoze

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

Ndando ya Tindando 7:9

Se tshambelo yako yi fana ni vhinya ya yinene, ka txirandwa txangu, yi yi selwako ngu mkhatala, yi rithimukako sisofuni ka vale va otelako.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Jakobe 2:23

Ngu toneto, yi tatisekile mibhalo yi yi ku: “Abrahamu a khotwe ka Txizimu, se atiya ti mningile ku e maha kota mlulami, se ene a dhanwi ku i mngana wa Txizimu.”

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Vagalatiya 2:20

Ngu toneto, hi nga ngadi ani ni hanyako, aniko i Kristu a hanyako kwangu. Konkuwa, ni txi hanya wutomi wa mmidi, ni hanya ngu kukholwa ka Mwanana wa Txizimu, awu a nga ni randa, a txi ti ningela ngu ngani.

Hoseya 3:1

Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Jeremiya 3:20

Ngu ditshuri nga ha wamsikati a mahako wubhemba ha mwayani kwakwe, ngu toneto, nyumba ya ka Israyeli mi si thembeki kwangu, kuwomba Mkoma.

Ndando ya Tindando 6:3

Ani ni wa txirandwa txangu, ni txona txirandwa txangu njangu; txirandwa txangu txi dyela mu ka makhoñwa.

Ndando ya Tindando 2:16

Txirandwa txangu njangu, nani ni wa txona; mtxhambi wakwe a wu dyisa hagari ka makhoñwa.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Ndando ya Tindando 2:1

Ani ni txiluva txa Saroni, dikhoñwa da mikovani.

Ndando ya Tindando 1:16

Wona taku u zumbisekile ni kutsakisa, awe txirandwa txangu; m'bhedhu wathu mbwo tshura.

Ndando ya Tindando 1:2

A na ni pswopswe ngu kupswopswa ka txisofu txakwe; nguko i txhuko lirando lakwe kupinda vhinya.

Masalmo 148:13

Hi nga dhumisani ditina da Mkoma, nguko ditina dakwe ngu dona di guletwako; wudhumo wakwe wu txitimwi ka nzuma ni mafu!

Masalmo 119:103

Mapswi ako ma tshamba ngutu; ma lombela ngutu kupinda wulombe!

Masalmo 89:6

I mani a ku nzumani a dinganako ni nawe, kani Mkoma? I mani, hagari ka sivangwa sa nzumani, a dinganako ni nawe, kani Mkoma?

Masalmo 19:10

Milayo ya dhundeka ngutu kupinda nzalama ya ditshuri; ya lombela kupinda wulombe wa mahesa;

2 Samuwele 1:23

Sawule ni Jonatani va ti ti dhundana ni kurandana ngutu kuhanyani kwawe, hambi kufani kwawe kha va hambana! Va ti ti ni livilo ngutu kupinda magama, ni mtamo ngutu kupinda tingonyamo.

Ndando ya Tindando 1:5

Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.

Ndando ya Tindando 4:3

Txisofu txako txi fanana ni ngoti yo bhilivila, ni kuwombawomba kwako ka tsakisa; mathama ako hagari ka timbobo tako ma fana ni txikhwemu txa diromani.