Ndando ya Tindando 5:1 - Bhiblia Yo Sawuleka

¹ Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Ndando ya Tindando 5:1 Referans Kwoze

Ndando ya Tindando 6:2

Txirandwa txangu txa relela thembweni kwakwe, ka tindima ta sibhumuliso, kasi kuya ti dyisa tindimani ni kuhaphela makoñwa.

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Mtuletelo 22:17

Moya ni txiwutwa va womba va txi kha vona: “Ngono!” Awule a engisako a na wombe nene a txi khene: “Ngono!” Awule a ku ni ditora, a na te. Awule a ti lavako a na amukele mahala mati a wutomi.

Mavingu 9:5

Ngonani hi ta dya sakudya hotshethu, ni kusela vhinya yile ni nga yi lulamisela.

Mithumo 11:29

Se vagondiswa va to engisana ka mhaka yi ya ku mmwani ni mmwani e rumela asi a si manako, kasi kuya vhuna vanawe va va zumbako ditikoni ka Judheya.

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Luka 12:4

“Vangana vangu, na mi gela ku khani: Mi nga thukeni mi thava ava va dayako mmidi, ngu msana va si sikotiko kumaha txilo kambe.

Isaya 66:14

Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.

Ndando ya Tindando 8:13

Awe u zumbako thembweni kwangu, vangana vangu va navela kupfa dipswi dako, ni nani na di lava ku dipfa.

Vaefesu 5:18

Se mi nga leveni ngu vhinya, ayi ka yona ku ku ni mazunga, aniko talani ngu Moya;

Matewu 25:40

“Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 23:18

Se wukwewu wa dona wu na lumba Mkoma, ni wugwili wa dona wa wugelegele; kha ku na mbi va ni thomba hambi kutsiwa; aniko wukwewu wa dona wu na lumba ava va zumbako masoni ka Mkoma, kasi ku veva ni sakudya so enela, ni syambalo sa lisima.

Isaya 5:1

Konkuwa, ni na embelela ka txirandwa txangu, dando ya txirandwa txangu, ngu mhaka ya thembwe ya txona ya mv'hinya. Txirandwa txangu txi ni thembwe ya m'vhinya ka tximangwana txo nona.

Ndando ya Tindando 8:1

Oh! I ti ku wo va ndiyangu, wule a nga mama tshumbu ya mame wangu, ni ndi no mbimo yi hi tshanganako ruwani, ni ku pswompswa, ni si solwi ngu m'thu.

Ndando ya Tindando 6:11

Ni relete thembweni ka mitshulani, kuya wona siluva sa mkovani, ni kuwona ti to mwendo mivhinya yi thungile, ni kumwedo miromani yi velekile wuluva.

Masalmo 16:3

Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

Masalmo 147:11

Mkoma a dhunda avale va m'thavako, avale va thembako lirando lakwe.

Valamuli 14:11

Se ku to maheka taku, mbimo yi va nga mu wona, va to langa magumi mararu a tipheleketi, ti txi ta mpangalata.

Valamuli 14:20

Se msikati wa Samusoni, a to ningelwa ka pheleketi yakwe, yile yi nga ti ti mpangalata.

Mavingu 24:13

Dyana wulombe mwanangu, nguko mbunene, ni txihesa txa wulombe, txa lombela mkanani kwako.

Ekleziyaste 2:5

Ni to ti dimela tithembwe, ni phaya ka tona mindonga ya totshe tixaka ta mihando.

Ndando ya Tindando 1:13

Txirandwa txangu, kwangu txi fanana ni sidhavyana sa mira; txi na zumba hagari ka titshumbu tangu.

Ndando ya Tindando 4:8

A hi khukhe Libhanoni, awe msikati wangu, ngono hi khukha Libhanoni; wonetela kukhukhela tshokani ka mmango wa Amana, kukhukhela tshokani ka mmango wa Seniri ni wa Hermoni, khukhela mazumboni ka tingonyamo, ni mimangoni ka tiyingwe.

Genesisi 37:25

Ti di ngeto, va to khalahatsha va txi dya sakudya. Mbimo yi va nga gula maso, va to wona mtxawa wa va ka Ismayeli, va kuta ngu Gileyadhi; makamelu awe ma ti rwate mafura o bhumula, ni makha, ni mira, va txi ya naso Egipta.