Ndando ya Tindando 4:9 - Bhiblia Yo Sawuleka

⁹ U ni dute mbilu, ndiyangu, awe txirandwa txangu, u ni thote mbilu ngu maso ako, ngu liketani limwelo li ku thamoni kwako.

Ndando ya Tindando 4:9 Referans Kwoze

Ndando ya Tindando 4:12

Awe u thembwe yo bhiyelwa, ndiyangu, msikati wangu, u txiziva txo sekelwa, txisima txo fenengetwa.

2 Vakorinto 11:2

Na lusa ngu nganu, ngu txiluse txa Txizimu, nguko ni mi ningete mi wutwa ngu mwamna mmweyo, kasiku ni txi mi yisa ka Kristu nga timbiri to basa.

Ndando ya Tindando 7:10

Ani ni wa txirandwa txangu, ni txona txa ni navela.

Mtuletelo 21:2

Sekoko, ni woni didhoropa do sawuleka, Jerusalema wamphya, a nga txi relela ngu nzumani, a txi khukhela ka Txizimu, didhoropa do tshurisa ku nga wamsikati wu a nga bombiselwa mkatawe.

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Zefaniya 3:17

Mkoma, Txizimu txako, aho hagari kwako, ana ni mtamo ngutu kasi ku kuhanyisa; ene a na tala ngu ku kutsakela; a na malala ngu lirando lakwe, a na kutsakela ngu kuembelela.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Isaya 62:5

Nguko nga kule dijaha di tekanako ni muhorana, ngu toneto ni vona vanana vako, va na tekana ni nawe; kufana ni muwuti a tsakako ni txiwutwa, ngu toneto Txizimu txako txi na tsaka ni nawe.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Ndando ya Tindando 6:12

Na ni sanzi ku tipfa, moya wangu wu ni wuletile mu ka sikotxikani sa vathu vangu vavanene.

Ndando ya Tindando 6:5

U nga ni wonetele, nguko maso ako ma ni heta mtamo. Misisi yako yi fana ni mtxhambi wa tiphongo ti ti dyelako Gileyadhi.

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Ndando ya Tindando 3:11

Anu vanana vamahorana a Siyoni, humani mi ya wona mfumeli Solomoni, ni m'bhoti wu a nga ambekwa ngu mwamwakwe, ditshiku dile a nga ya lowola ngu dona, ngu ditshiku da kutsaka ka hombe ka mbilu yakwe.

Ndando ya Tindando 1:15

Wona taku u tshurile ngutu, awe mndoni wangu, wona taku u tshurile ngutu; maso ako ma fana ni a situvani.

Ndando ya Tindando 1:10

Mathama ako ma tsurisetwe ngu siketiketi, ni thamo yako ngu wusekenya.

Masalmo 45:9

Vanana va txisikati vavafumeli, va ti ti ho hagari ka mahorana; ngu didhawa dako da txinene ku ti ti ni mfumeli wa txisikati, a nga ambala syambalo so tshuriselwa ngu nzalama ya lisima ya Ofiri.

1 Vakorinto 9:5

Kha hi nga ni fanelo ya kupangalatana ni wamsikati wu i ku ndiyathu ngu ka Kristu, nga ti va mahako vamwani vapostoli, ni vanawe va Mkoma, ni Khefasi, kani?

Matewu 12:50

Nguko wuhi ni wuhi a no maha kuranda ka Tate wangu a ku nzumani, ngene i ku mwanathu ni ndiyangu ni mame wangu.”

Genesisi 41:42

Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Genesisi 20:12

Hahanze ka toneto, ngu ditshuri ene i ndiyangu, i mwanana wa dihorana, wa tate wangu, aniko hi nga mwanana wa dihorana wa mame wangu, se i msikati wangu.”

Mavingu 1:9

Nguko sona si na va m'bhoti wa wunene ha msungo kwako, ni wusekenya thamoni kwako.

Ezekhiyele 16:11

Ni ku bombisile ngu so tshura, ni ku ambekile masinda mawokoni, ni wusekenya mkoloni.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Mavingu 6:25

Ngu mbiluni kwako u nga navele kutshura kwakwe, hambi ku ku ndindetela ngu maso akwe.