Ndando ya Tindando 4:2 - Bhiblia Yo Sawuleka

² Makwasa ako ma fana ni mtxhambi wa tinvuta ti nga kaywa, ti txita ngu kusambiswani, ati ti velekako ngu mahasa, se kha ku nga ni txifule ni txa tximwetxo ka tona.

Ndando ya Tindando 4:2 Referans Kwoze

Ndando ya Tindando 6:6

Makwasa ako ma fana ni mtxhambi wa tinvuta ti txita ngu kusambiswani, ati ti velekako ngu mahasa, se kha ku nga ni nyumba ka tona.

1 Vatesalonika 2:13

Ngu toneto, nanathu ha bonga yotshe mbimo ka Txizimu, nguko msana ka kuva mi di amukete dipswi da Txizimu, adi hi nga txhumayela, mi di amukete kota nga dipswi da Txizimu mpela, i si nga ku di fananisa ni dipswi da kuhuma ka m'thu. Atiya ngu tona ti ti mi ningako mtamo anu mi kholwako.

Johani 15:7

Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Eksodha 23:26

Ditikoni kwanu kha ku na mbi vaho wamsikati wo onhekelwa ngu txirumbu, hambi awule i ku txifule, kambe ni na engetela mtengo wa masiku ako.

Ndando ya Tindando 4:1

Wona taku, u tshurile ngutu, awe mndoni wangu, wona taku u tshurile ngutu; maso ako hagari ka timbobo tako, mafana ni maso a matuva, misisi yako yi fana ni mtxhambi wa tiphongo ti ti dyiswako mmangoni ka Gileyadhi.

Ndando ya Tindando 4:3

Txisofu txako txi fanana ni ngoti yo bhilivila, ni kuwombawomba kwako ka tsakisa; mathama ako hagari ka timbobo tako ma fana ni txikhwemu txa diromani.