Ndando ya Tindando 4:13 - Bhiblia Yo Sawuleka

¹³ Kuthunga kwako kufana ni thembwe ya maromani, yi ku ni mihando ya yinene: I ku sipresite ni nardhu.

Ndando ya Tindando 4:13 Referans Kwoze

Ndando ya Tindando 1:14

Ku nga txizangwa txa Xipre, tithembweni ka Engedhi, txirandwa txangu txi lumba ani.

Ndando ya Tindando 6:11

Ni relete thembweni ka mitshulani, kuya wona siluva sa mkovani, ni kuwona ti to mwendo mivhinya yi thungile, ni kumwedo miromani yi velekile wuluva.

Ekleziyaste 2:5

Ni to ti dimela tithembwe, ni phaya ka tona mindonga ya totshe tixaka ta mihando.

Ndando ya Tindando 1:12

A di ngadi khalahatshile mezani kwakwe mfumeli, nardhu yangu ya ninga kubhumula ka yona.

Vafilipiya 1:11

mi txi pfunelwa ngu mihando yo lulama, yi tako ngu ka Jesu Kristu, kasiku Txizimu txi pfaliswa ni kudhumiswa.

Johani 12:3

Sekoko Mariya a to teka mafura o bhumula, a nardhu, o mbi patelwa ni txilo, o dhula ngutu, e tota mikondo ya Jesu, se e mu bahulela mikondo ngu misisi yakwe. Nyumba yi txi tala ngu kubhumula ka mafura.

Marku 14:3

Se mbimo yi Jesu a nga ti Bhetaniya, m'tini ka Simoni, awule wa tshekela, na se va di ha sakudyani, a to ta wamsikati, a di ni txikadyana txa alabhastru, txi nga ti ni mafura o bhumula a nardhu ya yinene, yo dhula ngutu, se e faya txikadyana e thela mafura ha msungo ka Jesu.

Isaya 61:11

Nguko nga kule mafu ma humisako makhukhu a ona, ni ku nga themmbwe yi milisako sile si phaywako ka yona, ngu tona eto Mkoma Txizimu, a na milisa kululama, ni wudhumo ka otshe matiko.

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Ndando ya Tindando 8:2

Ni ndi na kuteka, ni kuyisa nyumbani ka mwamwangu, se awe u ndi na ni gondisa ta lirando, Ni ndi na kuninga vhinya yo lombela ni vhinya ya maromani u txi sela.

Ndando ya Tindando 6:2

Txirandwa txangu txa relela thembweni kwakwe, ka tindima ta sibhumuliso, kasi kuya ti dyisa tindimani ni kuhaphela makoñwa.

Ndando ya Tindando 4:14

Nardhu ni safarawu, ni kalamoni ni kanela, ni yotshe mindonga ya dibaselo, ni mira ni alowesi, ni sotshe sibhumuliso.

Masalmo 92:14

Hambi yi di kumbile mindonga yile ya veleka mihando yi zumba yi di nonile ni kuhanya,

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Joyeli 2:8

Ni wammweyo kha na mbi kama mwanawe; mmweyo ni mmweyo a tsimbila ngu nzila yakwe; va na pinda ngu txitimwi ka ditxhari, aniko kha va na mbi dayiswa.