Ndando ya Tindando 4:1 - Bhiblia Yo Sawuleka

¹ Wona taku, u tshurile ngutu, awe mndoni wangu, wona taku u tshurile ngutu; maso ako hagari ka timbobo tako, mafana ni maso a matuva, misisi yako yi fana ni mtxhambi wa tiphongo ti ti dyiswako mmangoni ka Gileyadhi.

Ndando ya Tindando 4:1 Referans Kwoze

Ndando ya Tindando 1:15

Wona taku u tshurile ngutu, awe mndoni wangu, wona taku u tshurile ngutu; maso ako ma fana ni a situvani.

Ndando ya Tindando 6:5

U nga ni wonetele, nguko maso ako ma ni heta mtamo. Misisi yako yi fana ni mtxhambi wa tiphongo ti ti dyelako Gileyadhi.

Ndando ya Tindando 6:7

Mathama ako hagari ka timbobo, ma fana ni txikhwemu txa diromani.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Ndando ya Tindando 7:5

Msungo wako wu fana ni mmango wa Karmeli, ni misisi ya ha msungo kwako, nga disilika do bhilivhila; mfumeli a khotetwe ngu timbobo tako.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

2 Vakorinto 3:18

Athu hotshethu hi wonako kuphatima ka Mkoma ngu maso o mbi fenengetwa, hi txi wonekisa kuphatima ka Mkoma kufana ni txibuko, hi txi hunduluswa hi fana nayo, hi longoloka ngu kuphatima kumweko ni kwakwe, aku ku engetelwako ngu mtamo wakwe Mkoma, i ku Moya.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Ezekhiyele 16:14

Se nduma yako yi to hoka matikoni, ngu mhaka ya kutshura kwako, nguko u ti ti hetelete, ngu kule ni nga ti ti vekile wudhundo wangu txitimwi kwako, kuwomba Mkoma Txizimu.

Ndando ya Tindando 2:10

Txirandwa txangu txi kha txona kwangu: Wuka, awe mndoni wangu, ngono, ngono nyakutshurawe wangu.

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

Mitengo 32:40

Ngu toneto, Mosi a to ningela ditiko da Gileyadhi ka Makiri, mwana Manasi, e zumba ka dona.

Mitengo 32:1

Se vanana va Rubheni ni vanana va Gadhi, va ti ti ni sifuyo so tala ngutu; se va woni ditiko da Jazeri ni ditiko da Gileyadhi, kasi kuva makhalo a sifuyo.

Jeremiya 22:6

Nguko Mkoma wa womba xungetano ngu nyumba ya mfumeli wa ka Judha, a txi khene: Masoni kwangu u fana ni Gileyadhi ni msungo wa Libhanoni, aniko ni na ku hundula uva txiwula, ni madhoropa ma si ngaku ni vathu.