Ndando ya Tindando 3:6 - Bhiblia Yo Sawuleka

⁶ I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Ndando ya Tindando 3:6 Referans Kwoze

Ndando ya Tindando 8:5

I mani wule a tako ngu didhawa da txiwulani, a di khutarete txirandwa txakwe kani? Ni ku wusile u di hahatshi ka mndonga wa mahapula, aha mwamwako a nga lumwa a di kona, ahawa a nga kuvelekela kona.

Ndando ya Tindando 4:6

Ni na tsula mmangoni ka mira, ni tximangwanani ka dibaselo, kusanzi kutitila, ni mitsudi yi sanzi kumwalala.

Ndando ya Tindando 1:13

Txirandwa txangu, kwangu txi fanana ni sidhavyana sa mira; txi na zumba hagari ka titshumbu tangu.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Mtuletelo 12:6

Se wamsikati e thava e tsula txiwulani, ahawa a nga ti lulamisetwe wukhalo ngu Txizimu, kasi kuve zumba ve mphamela sakudya mndani ka txipimo txa 1.260 wa masiku.

Jeremiya 31:2

Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Ndando ya Tindando 5:13

Mathama akwe ma fana ni ndima ya mipepo, kufana ni simangwana sa mwasi wo nungela; txisofu txakwe txi fanana ni makhoñwa di di dotako mafura a mira.

Ndando ya Tindando 5:5

Se ni to wuka, ni ya tulela txirandwa txangu ku to nyuka mafura a mira manzani kwangu, ma txi thothoketa ngu titihoni kwangu, me nakanisa sikhweketo sa ditimba.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Dhewuteronome 8:2

Alakanya yotshe nzila yi Mkoma, Txizimu txako, a nga maha ti to u txi tsimbila ngu yona, mune wa magumi a malembe, txiwulani, kasi ku kukhozisa ni ku kuduka, ti to e ziva ati ti ku mbiluni kwako, ti to mwendo u na vekisa sirumo sakwe, niku khu na mbi si vekisa.

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Vafilipiya 4:18

Ngu toneto, sotshe ni naso, so tala si sala. Ni taletwe ngu ku ni nga amukela manzani ka Epafrodhito asi mi nga ni rumela, matolo o bhumula ta tinene, mhamba yo amukeleka ni kutsakisa Txizimu.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Eksodha 30:34

Mkoma a wombile kambe ka Mosi a txi khene: “Teka mafura o bhumula ni estakita ni onika ni galbhano; sotshe siya so bhumula u na si pata ni dibaselo ngu mpimo wumwewo.

Mtuletelo 18:13

kinamoni, i ku mafura o bhumula, mira ni dibaselo, vhinya ni mtona, mpupu wa mafaka ni fulaho, tihomu ni tinvuta, mahantxhi ni sikotxikani, tikhumbi ni mimoya ya vathu.

Ndando ya Tindando 3:7

Wonani, msingo wa Solomoni, wu randetwe ngu mtxhanu wa magumi ni dimwendo a tindena, ti ti humako hagari ka tindena ta Israyeli.

Mavingu 7:17

ni tshatshete ditaho dangu ngu mira, mafura ni kinamomo.

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.