Ndando ya Tindando 3:3 - Bhiblia Yo Sawuleka

³ Va to ni mana vawoneleli, vale va nga ti horolokela didhoropa; ni to va wotisa ni txi khani: Ina mi woni awule muhefemulo wangu wu mrandako kani?

Ndando ya Tindando 3:3 Referans Kwoze

Ndando ya Tindando 5:7

Ni to manwa ngu vawoneleli, vale va nga tihorolokela didhoropani, va to ni peka, ve ni dayisa, vawoneleti va diguma va to ni tekela dibhaji dangu.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Johani 20:15

Jesu a txi khene kwakwe: “Wamsikati, u dilela txani kani? U lava mani kani?” Ene, ngu kupimisa ti to i mxayisi wa thembwe ya siluva, a to khene kwakwe: “Mkoma, ngako i di awe u nga mu thavisa, ni gele ahawa u nga mu veka kona, ni na ya mu teka.”

Ezekhiyele 3:17

Awe mwanana wa m'thu, ni kuvekile kuve muwoneleli wa nyumba ya ka Israyeli; se awe u na pfa dipswi da txisofu txangu, se u na va txharihisa wukhaloni kwangu.

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

Isaya 56:10

Votshe vawoneleli vakwe va mabhofu, kha va zivi txilo; votshe ndimbwa ta siduma, kha va sikoti kuwukula; mba wukohe, va zumba va di otete, kambe va randa kukhudhahela.

Ndando ya Tindando 1:7

Ni gele, awe u randwako ngu mbilu yangu, ni kombe mu u dyiselako kona mtxhambi wako, ni mu u wu yisako kona ni mitshikari. Ngu kutxani ani ni xaniseka ni londetela mitxhambi ya vangana vako kani?