Ndando ya Tindando 2:5 - Bhiblia Yo Sawuleka

⁵ Ni busiseni ngu tximbwanda txa mauvha, mi ni tsanisa ngu mahapula, nguko na fa ngu lirando.

Ndando ya Tindando 2:5 Referans Kwoze

Ndando ya Tindando 5:8

Anu mahorana a Jerusalema, na mi kombela, ti taku ngako mi txi mana txirandwa txangu, txi geleni ti taku nafa ngu lirando.

Hoseya 3:1

Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

2 Samuwele 6:19

Se a to abanisela sakudya ka votshe vathu ni ka dotshe dibutho da va ka Israyeli, kukhukhela ka vavamna kala ka vavasikati, mmweyo ni mmweyo e mninga dipawu ni dikatha da nyama, ni dibhojela da vhinya; sekoko votshe vathu va to tsula, mmwani ni mmwani e ti yela m'tini kwakwe.

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Luka 24:32

Vona va to gelana va txi kha vona: “Ina hi si pfi kufutumela mndani ka timbilu tathu, mbimo yi a nga ti womba-womba ni nathu ha nzila, na a txi hi txhamusela ni ku hi tuletela ta Mibhalo, kani?”

Ndando ya Tindando 7:8

Ni txi khani: Ni na kwela amu ka mndonga wa mtxhese, ni ya ñola madhavi a wona; sekoko titshumbu tako ti na fana ni sizangwa sa mivhinya, ni kubhumula ka kuhefemula kwako, ku na fana ni ka mahapula.

Masalmo 63:8

Moya wangu wu patanile ni nawe, se dianza dako da ni tsanisa.

1 Makronika 16:3

Se a to abanisela ka votshe va ka Israyeli, vavamna ni vavasikati, mmwani ni mmwani e mninga dipawu ni dikatha da hombe da nyama, ni txingotwana txa vhinya.