Ndando ya Tindando 2:3 - Bhiblia Yo Sawuleka

³ Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Ndando ya Tindando 2:3 Referans Kwoze

Ndando ya Tindando 8:5

I mani wule a tako ngu didhawa da txiwulani, a di khutarete txirandwa txakwe kani? Ni ku wusile u di hahatshi ka mndonga wa mahapula, aha mwamwako a nga lumwa a di kona, ahawa a nga kuvelekela kona.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Isaya 25:4

Nguko uve mkhokhola wa txisiwana, kambe uve mkhokhola wa wule wo pwata, kuxanisekani kwawe; wuthavelo masoni ka txihuhuri, ni mtsudi ha lisanini; nguko kufuteta ka vaxanisi, kufana ni txihuhuri txo peka diguma.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Ezekhiyele 47:12

Se hafuhi ni txinambwana, likasani ka kona, ka didhawa dimwedo ni dimwani, ku na mila totshe tixaka ta mindonga yo ninga mihando yo dingana kudyiwa; mazokoro a yona kha ma na mbi mora, hambi kuluzeka mihando ya kona; ngu mitxima ya kona yi na veleka mihando ya yiphya, nguko mati a kona ma huma ngu ko sawuleka; se mihando ya kona yi na maha yo dyiwa, aniko dizokoro da kona mrende.

Isaya 4:6

Se ku nava ni ditenda di tsivako lisani ni mitshikari, ni kuthavela kona kuya sisala txihuhuri ni nzuma.

Isaya 4:2

Ka ditshiku dile, Dikhukhu da Mkoma di na tala ngu wudhumo ni kutshura; se mihando ya mafu nja, Vaisrayeli vale va nga sala.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.

Ndando ya Tindando 2:5

Ni busiseni ngu tximbwanda txa mauvha, mi ni tsanisa ngu mahapula, nguko na fa ngu lirando.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Masalmo 89:6

I mani a ku nzumani a dinganako ni nawe, kani Mkoma? I mani, hagari ka sivangwa sa nzumani, a dinganako ni nawe, kani Mkoma?

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Masalmo 45:2

Awe u dijaha do tshura ngutu kupinda otshe majaha! Txisofu txako txi womba mapswi o xamalisa Ngu toneto, Txizimu txi kukatekisile kala kupinduka.

Valamuli 9:15

Se txikaye txi to womba ka mindonga yotshe txi txi kha txona: Ngako ngu ditshuri mi txi ni tota mafura kasi ku ni txi fuma txitimwi kwanu, ngonani mi ta sisala mtsundini kwangu. Ngako i si nga tona, wu na hume mndilo ngu ka txikaye, wu txi ta hisa mikedhari ya Libhanoni!

Ndando ya Tindando 1:16

Wona taku u zumbisekile ni kutsakisa, awe txirandwa txangu; m'bhedhu wathu mbwo tshura.

Ndando ya Tindando 4:13

Kuthunga kwako kufana ni thembwe ya maromani, yi ku ni mihando ya yinene: I ku sipresite ni nardhu.

Ndando ya Tindando 7:13

Mandragora ma humisa kubhumula ka ona, ni sikenini kwathu ku ni mihando ya totshe tixaka, ya yiphya ni ya kale; yi ni ku xayiselako yona, awe txirandwa txangu.

Ndando ya Tindando 8:11

Solomoni a ti ti ni thembwe ya mivhinya Bahali-Hamoni; A to yi ningela manzani ka vawoneleli; se mmweyo ni mmweyo wawe a to neha 1.000 wa tisilivhele ngu mihando yakwe.

Ndando ya Tindando 8:12

M'vhinya wangu na ti xayisela nipune, awe Solomoni u na va ni tisilivhele ta 1.000, se vawoneleli va mihando va na mana 200.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Masalmo 45:3

Awe ndena, khweketa ditxhari dako txiwununi; dona da kuhanela ni ku kupfalisa!