Biblia Todo Logo
Bib sou entènèt

- Piblisite -




Ndando ya Tindando 2:14 - Bhiblia Yo Sawuleka

14 Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Gade chapit la Kopi




Ndando ya Tindando 2:14
41 Referans Kwoze  

Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.


Awe u zumbako thembweni kwangu, vangana vangu va navela kupfa dipswi dako, ni nani na di lava ku dipfa.


Ni ti otete, kambe mbilu yangu yi ti ti xaniseka, dipswi da txirandwa txangu txi pekako ditimba. A khene: Ni tulele ndiyangu, awe mndoni wangu, dituva dangu da ku ambi na dikhwiti, nguko msungo wangu wu nakani ngu mwando, ni misisi yangu yi nakani ngu mathotho a wusiku.


Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.


Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,


Ngu kota yeto, ahi yeni ngu kutsaka txiluveloni ka makatekwa, ahawa hi no ya mana wumbilu ni kateko yi yi no hi vhuna ngu mbimo yi yi fanelako.


Kutikulisa ka mbilu yako ku ku kanganyisile, kufana ni va va hanyako tiphakoni ka marigwi, ka dizumbo dako do guleka, u wombako mbiluni kwako ku khawe: I mani a no ni wisa ha mafuni kani?


Kambe ku no huluka vonevo va no huluka, aniko va na va mimangoni, nga situvani sa mikovani, va txi dila, mmweyo ni mmweyo ngu mhaka ya wubihi wakwe.


Kasi ngu mhaka ya mathiselo ako, kutikukumukisa ka mbilu yako ku kuxengile. Awe u zumbako mibhalani ka marigwi, u manekako txitimwi ka mimango, hambi u txo guleta txisaka txako nga digama, ni na kukhundumusa koneyo, kuwomba Mkoma.


Lekani madhoropa, tsulani mi txi ya zumba marigwini, anu mi zumbako Mowabhi; mahisani ku nga tile txituvani txi akisako tona txisaka txa txona, ha txikeni ka diphala.


Mbamani vale vatako ngu kupuruma nga marefu, ni ku nga situvani ka mafasitela a sona kani?


Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.


Wona taku u tshurile ngutu, awe mndoni wangu, wona taku u tshurile ngutu; maso ako ma fana ni a situvani.


Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,


Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.


Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.


se konkuwa txona Txizimu txi mahile ti to mi txi wuyelelana natxo ngu Mwanana wa txona, a nga hanya mmidini ka m'thu e tshumela efa, kasiku mi txi yiswa masoni ka Txizimu mi di vo sawuleka, mi si nga ni txisolo,


kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.


“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.


Jesu msana ka kuva a di bhabhatisilwe a to huma ngu matini. Konako, nzuma yi to tuleka, se Jesu e wona Moya wa Txizimu, wu nga ti relela nga dituva txitimwi kwakwe.


Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.


Sekoko ani ni to khani: Dikhombo kwangu, ni lovile! Nguko ni m'thu wa txisofu txa kwa mbi basa, ni zumba hagari ka vathu va sisofu sa kwa mbi basa; maso angu ma woni mfumeli, Mkoma wa Mabutho a Tiyimbi.


Va na wulela mu ka tifa ta marigwi ni mu ka maphala a mimango, ngu kuthava Mkoma, ni kudhumiswa ka wuhombe wakwe, mbimo yile a khukhako, e xamalisa ditiko.


Ngako u si ti zivi, awe wo tshura ngutu hagari ka vavasikati, huma u londetela mikondo ya tinvuta u dyisa tiphongo tako hafuhi ni mazumbo a vadyisi.


Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.


Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.


U nga ningele dihika da txituvani txako ka sibanda; u nga divale vathu vako va sisiwana; u nga va ningele nga txituvani, ka mijebe ya nyamatate.


Hambi mi di otete sibalani ka sifuyo sanu. Mabhapi a situvani ma pometwe ngu silivhela ni mitenga ya sona ya phatima nga nzalama.


Awule a ni mahelako mphaxo wa kubonga, ni na m'guleta; ni wule a tsimbilako ngu nzila yangu, ni na mkomba kuhanyisa ka Txizimu.”


nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!


Kambe awe u Msawuleki, awe u zumba ha txiluveloni, na u txi dhumiswa ngu Israyeli.


Hambi i ti ku no dhana, Txizimu, txi ni xamula, hambi keto, ni si kholwi ti to txi engisa dipswi dangu.


Se mwanana wa muhorana wa Tiro, a na va koneyo ni ni siningo; vanyatithombe va ku hagari ka vathu, va na kombela wunene wako.


Swiv nou:

Piblisite


Piblisite