Ndando ya Tindando 1:8 - Bhiblia Yo Sawuleka

⁸ Ngako u si ti zivi, awe wo tshura ngutu hagari ka vavasikati, huma u londetela mikondo ya tinvuta u dyisa tiphongo tako hafuhi ni mazumbo a vadyisi.

Ndando ya Tindando 1:8 Referans Kwoze

Ndando ya Tindando 6:1

Txi yite hani txirandwa txako, awe wo tshura ngutu hagari ka vavasikati kani? Txi yite hani txirandwa txako hi na kuvhuna kulava kani?

Ndando ya Tindando 5:9

Njitxani txi txirandwa txako txi pindako tximwani txirandwa txangu ngu txona, awe wo tshura ngutu hagari ka vavasikati kani? Txirandwa txako txi pinda vamwani ngu kutxani, koza u hi leleta to nga eto, kani?

1 Pedro 3:6

kufana ni Sara a nga tiengisa Abrahamu a txi m'dhana ku i nyame wakwe; se konaho, mi vanana vakwe, ngako mi txi maha wunene, mi si thavi kudhukiselwa ngu txilo.

Jakobe 5:10

Vanathu, gondani kuxaniseka, mithumo ni kutimisela ka Vaprofeti va va nga womba-womba ngu ditina da Mkoma.

Jakobe 2:21

Ina hi nga yona mithumo yi nga maha ti to tate wathu Abrahamu e va mlulami, ngukuwa a nga ningela mwanana wakwe Isaake ha txiluveloni kani?

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Vaefesu 5:27

kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.

1 Vakorinto 11:1

Mahani vaeteteli vangu, kufana ni nani ni ku mueteteli wa Kristu.

Johani 21:15

Ngako va di gwitile kudya, Jesu a to wotisa ka Simoni Pedro, a txi khene: “Simoni, mwana Johani, awe wa ni randa kupinda vava kani?” Ene a xamute, a txi khene: “Mkoma, wa tiziva ti to ani na kuranda.” Jesu a to mu gela, a txi khene: “Dyisa tinvuta tangu.”

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Ndando ya Tindando 4:7

Mndoni wangu, u tshurile ngutu, kha ku na txi txi solekako kwako.

Ndando ya Tindando 4:1

Wona taku, u tshurile ngutu, awe mndoni wangu, wona taku u tshurile ngutu; maso ako hagari ka timbobo tako, mafana ni maso a matuva, misisi yako yi fana ni mtxhambi wa tiphongo ti ti dyiswako mmangoni ka Gileyadhi.

Ndando ya Tindando 2:10

Txirandwa txangu txi kha txona kwangu: Wuka, awe mndoni wangu, ngono, ngono nyakutshurawe wangu.

Ndando ya Tindando 1:15

Wona taku u tshurile ngutu, awe mndoni wangu, wona taku u tshurile ngutu; maso ako ma fana ni a situvani.

Mavingu 8:34

A katekile m'thu wule a ni engisako, a zumbako e wonetela ha txikeni kwangu ditshiku ni ditshiku, e verela misasimoni ka sike sangu.

Masalmo 45:13

Mwanana wa muhorana wa mfumeli, ngene i ku wo woneka nyumbani kwako ka wukoma! Syambalo sakwe nza nzalama yo lukelwa!

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

Masalmo 16:3

Vasawuleki va va ku ha mafuni, ava va xamalisako ngu mtamo wawe, ngu vona va ni tsakisako.

Jakobe 2:25

Kufana ni toneto, nene Rahabhi, wa digelegele, ina kha mahwa mlulami ngu mithumo mbimo yi a nga amukela mitumi a txi yi tshumeta ngu yimwani nzila, kani?