Ndando ya Tindando 1:7 - Bhiblia Yo Sawuleka

⁷ Ni gele, awe u randwako ngu mbilu yangu, ni kombe mu u dyiselako kona mtxhambi wako, ni mu u wu yisako kona ni mitshikari. Ngu kutxani ani ni xaniseka ni londetela mitxhambi ya vangana vako kani?

Ndando ya Tindando 1:7 Referans Kwoze

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

1 Pedro 2:7

Ngu toneto, mi katekile anu mi kholwako, aniko, ka vale va si kholwiko; dirigwi di vaaki va ngadi nyenya, di mahile dirigwi da hombe do tsanisa.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Johani 10:11

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Jeremiya 33:12

Mkoma wa Mabutho a Tiyimbi a khene: Ka wuwa wukhalo wu nga maha txiwula, wu singako ni m'thu hambi txihari, ni ka otshe madhoropa a wona, ku ngadi ku txi na vaho wukhalo wa vadyisi, ava va mahako ti to sifuyo sawe si txi zumba ka wona.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Isaya 5:1

Konkuwa, ni na embelela ka txirandwa txangu, dando ya txirandwa txangu, ngu mhaka ya thembwe ya txona ya mv'hinya. Txirandwa txangu txi ni thembwe ya m'vhinya ka tximangwana txo nona.

Ndando ya Tindando 8:13

Awe u zumbako thembweni kwangu, vangana vangu va navela kupfa dipswi dako, ni nani na di lava ku dipfa.

Ndando ya Tindando 6:3

Ani ni wa txirandwa txangu, ni txona txirandwa txangu njangu; txirandwa txangu txi dyela mu ka makhoñwa.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 5:10

Txirandwa txangu njo tshura ngutu, txa txiemo txo tshura, txa teka m'jeke hagari ka 10.000.

Ndando ya Tindando 5:8

Anu mahorana a Jerusalema, na mi kombela, ti taku ngako mi txi mana txirandwa txangu, txi geleni ti taku nafa ngu lirando.

Ndando ya Tindando 2:16

Txirandwa txangu njangu, nani ni wa txona; mtxhambi wakwe a wu dyisa hagari ka makhoñwa.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Masalmo 116:1

Na mranda Mkoma, nguko a engisile dipswi da mkombelo wangu.

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Masalmo 18:1

Ni na kuranda ngu mbilu yangu, Mkoma, Awe u mtamo wangu.

Genesisi 37:16

Ene a xamute, a txi khene: “No lava vakomwangu. Maha wuxinji u txi ni gela, amu va dyiselako kona mitxhambi yawe.”

Ndando ya Tindando 6:2

Txirandwa txangu txa relela thembweni kwakwe, ka tindima ta sibhumuliso, kasi kuya ti dyisa tindimani ni kuhaphela makoñwa.

Rute 2:21

Se Rute wa Mowabhi, a to khene: “A ni gete kambe a txi khene: U na patana ni majaha ya ni ku nawo, kala kuza me heta kotshe kuelula ku ni ku nako.”