Ndando ya Tindando 1:5 - Bhiblia Yo Sawuleka

⁵ Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.

Ndando ya Tindando 1:5 Referans Kwoze

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Luka 15:22

Aniko tate a to gela sithumi sakwe a txi khene: ‘Kuluvetani mi neha syambalo so tshura ngutu, mi m'bombisa, mu ambekeni ringi litihoni kwakwe, mu ambekeni tikathula mikondoni kwakwe.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 5:8

Anu mahorana a Jerusalema, na mi kombela, ti taku ngako mi txi mana txirandwa txangu, txi geleni ti taku nafa ngu lirando.

Ndando ya Tindando 2:14

Awe dituva dangu, u tsimbila mu ka tifa ta marigwi, awe u ku ka madhawa a kusisalani, ni kombe khohe yako, ni mahe nipfa dipswi dako, nguko dipswi dako da tshamba, ni khohe yako yi tshurile.

Ndando ya Tindando 2:7

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni lirando langu, kala kuza li ti lava.

Masalmo 120:5

Dikhombo dangu ani ni hanyako Meseki, ani ni zumbako ka matenda a Mkedhari!

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Luka 13:34

Jerusalema, Jerusalema, awe u dayako vaprofeti, u txi va balisela ngu marigwi ava va nga rumwa kwako, nzikhati singani, ni nga lava kusengeleta vanana vako, nga khukhu yi fundamelako sisondo sa yona hahatshi ka mabhapi a yona, kambe khwa ti lava.

Matewu 22:11

“Mbimo yi mfumeli a nga wulela kuya wona ava va nga ti khalahatshile kudyani, a to wona mmweyo m'thu, a nga sa ambala nguwo ya mtxhadho.

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Ezekhiyele 16:14

Se nduma yako yi to hoka matikoni, ngu mhaka ya kutshura kwako, nguko u ti ti hetelete, ngu kule ni nga ti ti vekile wudhundo wangu txitimwi kwako, kuwomba Mkoma Txizimu.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Isaya 60:7

Totshe tinvuta ta Kedhari ti na sengeletana hafuhi ni nawe, se tihamba ta Nebhayote ti na kuthumela; mi na kwela ngu kutsaka txiluveloni kwangu, se ani ni na dhumisa nyumba ya wudhumo wangu.

Ndando ya Tindando 6:4

Awe mndoni wangu u tshurile nga didhoropa da Tiriza, u tshurile kufana ni Jerusalema, u xamalisa kufana ni dibutho di di ku ni m'jeke.

Ndando ya Tindando 4:3

Txisofu txako txi fanana ni ngoti yo bhilivila, ni kuwombawomba kwako ka tsakisa; mathama ako hagari ka timbobo tako ma fana ni txikhwemu txa diromani.

1 Johani 3:1

Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva.

Vaefesu 5:26

kasiku a txi di kuwula ngu mati, ni ku di basisa ngu dipswi,

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,

Isaya 53:2

Nguko a humile masoni ka Mkoma nga txiluva, e fana ni m'twi ka mafu a kuoma; asi nga ni wuwono ni kutshura ka hombe; se mbimo yi athu hi nga muwona, kha ha wona kutshura ni kakumweko, kasi ku hi txi mnavela.

Ndando ya Tindando 8:4

Anu vanana vamahorana a Jerusalema, na mi xambanyela tito, mi nga wuseni hambi kuvhumukisa lirando langu, kala kuza li ti lava li pune.

Ndando ya Tindando 3:10

Tiphande ta txona nda silivhela, txikhigelo txa kona i nzalama, ni txikhalo txa disilika, mndani ka txona ku tshurisetwe ngu lirando ngu vanana vamahorana a Jerusalema.

Ndando ya Tindando 3:5

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni hambi kuvhumukisa lirando langu, kala kuza li ti lava li pune.

Masalmo 149:4

Mkoma a tsakiswa ngu vathu vakwe; wa guleta sisiwana ngu ku si ninga kuxula valala!

Masalmo 90:17

Wu nate txitimwi kwathu wunene wa Mkoma, Txizimu txathu. Tsanisa Mkoma, mithumo ya manza athu, ina, tsanisa mithumo ya manza athu!

Masalmo 45:9

Vanana va txisikati vavafumeli, va ti ti ho hagari ka mahorana; ngu didhawa dako da txinene ku ti ti ni mfumeli wa txisikati, a nga ambala syambalo so tshuriselwa ngu nzalama ya lisima ya Ofiri.

Isaya 21:16

Nguko Mkoma a ni gete tiya: Mndani ka dilembe, kufana ni malembe a vo holelwa, wotshe wudhumo wa Kedhari wu na mwalala.

Ezekhiyele 27:21

Arabhiya ni otshe madhota a Kedhari, i ti ti vona manza a wuxavisi wako, ngu tinvuta, ni tihamba, ni vamabhongwe; ka soneso va ti ti xaviselana ni nawe.