Ndando ya Tindando 1:4 - Bhiblia Yo Sawuleka

⁴ Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Ndando ya Tindando 1:4 Referans Kwoze

Johani 6:44

A walo wu a sikotako kuta kwangu, ngako a sa dhanwa ngu Tate wu a nga ni ruma; se ani ni na mu wusa ka ditshiku da magwito.

Hoseya 11:4

Ni va ndindete kwangu ngu majoke a wuthu, ngu majoke a lirando; se ni tsute kwawe kufana ni va va thavisako dikange ka tithamo tawe, kambe ni va ningile sakudya.

Johani 12:32

Se nani, mbimo yi ni no va ni di guletilwe txitimwi ka mafu, ni na ndindela votshe vathu va txi ta kwangu.”

Jeremiya 31:3

Mkoma a wonekile kwangu ngu kule, a txi khene: Ni ku randile ngu lirando li li si gwitelwiko; na ku xayisela wuxinji wangu.

Vahebheru 12:1

Ngu toneto, akuwa hi nga randelwa ngu mtalo wa hombe wa tifakazi ta likholo, nanathu hi fanela kutshotsha kule sotshe si si hi nemelako kumweko ni txionho txi txi hi namarelako, hi txi tutuma ngu kutsanisela mnava wu hi nga sikelwa wona.

Luka 22:19

Ngu konaho a to teka dipawu, se a di bongile, a to di bhanda, a txi va ninga, a txi khene: “Asiya i mmidi wangu wu no ningelwa ngu kota yanu; mahani tiya kasi ku ni alakanya ngu tona.”

Luka 2:10

Ngelozi yi to va gela yi txi kha yona: “Mi nga thaveni, nguko ni mi bikela mahungu amanene a kutsaka ka hombe, akuwa ku no va i di ka votshe vathu.

Matewu 25:10

Ngako tona ti di tsute kuxavani ka mafura, mteki a to bwaka, se atile ti nga ti ti lulamisete, ti to wulela nayo m'busoni ka mtxhadho; se di sekwa ditimba.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 45:25

Aniko ka Mkoma li nava li di lulamile ni kutikulisa lotshe liveleko la ka Israyeli.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Ndando ya Tindando 3:4

Ni di hambunyetani navo, koneko ni to mana wule muhefemulo wangu wu mtsakelako; Ni to mñola, kala kuza ni mwuleta nyumbani ka mame, txibhiyani ka wule a nga ni veleka.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Vaefesu 2:6

Txizimu txi hi wusile kumweko ni nene, se txi txi ya hi khalahatshisa nzumani ngu ngene Kristu Jesu;

Zefaniya 3:14

Embelela ngu kutsaka awe dihorana da Siyoni; Tsaka kambe awe Israyeli; ti tsakele u txi peka mikulungwani ngu mbilu yako yotshe, awe dihorana da Jerusalema.

Masalmo 119:60

Ni kuluvetile, kha na swela kuvekisa sirumo sako.

Masalmo 119:32

Ni na khutalela kuvekisa sirumo sako, nguko atiya ti na ni ninga wuzivi wa hombe.

Masalmo 111:4

Mkoma kha hi leki hi divala sidiwukiso sakwe; ene a tate ngu wunene ni wumbilu;

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Masalmo 48:9

Nyumbani kwako, awe Txizimu, ka wunene wako hagari ka dithepele dako.

Masalmo 42:4

Moya wangu wa dhudhumela, ngako ni txi alakanya, mbimo yi ni nga ti longoloka ni vale va nga ti ya Nyumbani ka Mkoma va txi peka mikulungwani ya kutsaka ni kubonga, ni kugiringa ka vathu va kutsaka.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Vafilipiya 4:4

Tsakani ka Mkoma yotshe mbimo! Na engeta ni mi gela: Tsakani!

Vafilipiya 3:3

Ava va nga ya wukwerani ngu ngathu, hi khozelako Txizimu ngu Moya wa txona; hi ti pfalisa ngu ka Jesu Kristu, hi si veki kuthemba kwathu ka nyama,

Vaefesu 6:24

Makatekwa ma nave ni votshe va va randako Mkoma Wathu Jesu Kristu ngu lirando lo mbi onheka!

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.