Ndando ya Tindando 1:2 - Bhiblia Yo Sawuleka

² A na ni pswopswe ngu kupswopswa ka txisofu txakwe; nguko i txhuko lirando lakwe kupinda vhinya.

Ndando ya Tindando 1:2 Referans Kwoze

Ndando ya Tindando 4:10

Hi nga kutshura ka lirando lako ndiyangu! Awe msikati wangu, lirando lako nda linene kupinda vhinya! Ni kubhumula ka mafura ako ka tsakisa kupinda yotshe mixowo ya makha.

Ndando ya Tindando 1:4

Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Masalmo 36:7

La xamalisa ngutu lirando lako, awe Txizimu! Hahatshi ka mabhapi ako, athu hi tipfa hi di kusisalani.

Luka 15:20

Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Matewu 26:26

Va di ngadi va txi dya, Jesu a to teka dipawu a txi di katekisa, a txi di bhanda, a txi di ningela ka vagondiswa vakwe, a txi khene: “Tekani mi txi dya, asiya mmidi wangu.”

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Ndando ya Tindando 7:12

A hi wuke ni mixo hi ya mivhinyani, hi ya wona ti to mwendo mauvha ma veleka, mwendo siluva sa ona sa baleka, ni ku mwendo miromani yi mite, Koneyo ni na ya kuninga lirando langu la hombe.

Ndando ya Tindando 7:9

Se tshambelo yako yi fana ni vhinya ya yinene, ka txirandwa txangu, yi yi selwako ngu mkhatala, yi rithimukako sisofuni ka vale va otelako.

Ndando ya Tindando 2:4

A ni yisile muhubheni ka m'buso wa hombe, m'jeke wakwe txitimwi kwangu, lirando.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Mithumo 21:7

Se athu, ngako hi di txhatukile, hi to pinda Tiro hi txi ya Pitolomayi, se msana ka kulosana ni vanathu, hi to zumba ditshiku dimwedo navo.

Ndando ya Tindando 7:6

U tshurile ngutu, kambe wa navetisa, awe txirandwa, ngu kutsakisa!

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

1 Pedro 5:14

Losanani ngu kupswopswana ka lirando la wukholwa. Kudikha ku nave ni nanu motshenu, mi ku ka Kristu. Amen!

Genesisi 45:15

Josefa ngu msana ka kona a to pswopswa vanawe votshe, a txi va khutarela ngu diganda, na a txi dila. Msana keto, ngu kona vanawe va nga sikota kuwombawomba nayo.

Genesisi 29:11

Jakobe a to pswopswa Rakeli, se a txi kwangula, a txi dila.