Ndando ya Tindando 1:17 - Bhiblia Yo Sawuleka

¹⁷ Minaneko ya nyumba yathu nja mikedhari, timbalelo ta lyangwa lathu nda Sipresite.

Ndando ya Tindando 1:17 Referans Kwoze

Vahebheru 11:10

Nguko, a ti rinzela kuwona didhoropa da kuakwa di di ni makhato o tsana, adiya mpimisi ni muaki wa dona i ku Txizimu.

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Ezekhiyele 42:3

Ngu masoni ka magumi mambidi a mikono, ku nga ti ti ni m'hubhe wa mndani, ni masoni ka m'hubhe wa mtendela ku nga ti ti ni m'hubhe wa hahanze, ku ti ti ni wukhalo wo tshuriselwa wo rendekelana ni wumwani wukhalo wo tshuriselwa, wa sitezi siraru.

Ezekhiyele 41:16

Mitshunzuti ni mafasitela o songa, ni mule ko tshuriselwa ngu msana kotshe kakuraru, ngu masoni ka msasimo, ku ti ti tshuletwe ngu mapulango madhawani ka kona; eko kukhukhela hahatshi kala ka mafasitela; ni ona mafasitela ma ti ti tshuletwe;

Ndando ya Tindando 8:9

I tiku ova diguma, hi ndi na aka txidingililelo txa silivhela txitimwi yona, i tiku ova ditimba, hi ndi na m'biyela ngu mapulango a mikedhari.

Ndando ya Tindando 7:5

Msungo wako wu fana ni mmango wa Karmeli, ni misisi ya ha msungo kwako, nga disilika do bhilivhila; mfumeli a khotetwe ngu timbobo tako.

1 Vafumeli 6:9

Ngu toneto, a nga akisa tona nyumba, se a txi yi hetisela, e tshulela nyumba ngu sipulangwana sa mikedhari.

1 Vafumeli 6:10

Kambe a to aketela sinyumbana ka otshe madhawa a nyumba, sa mtxhanu wa mikono a kuguleka, a txi si hiketela ngu mapulango a mikedhari ha ka nyumba.

2 Makronika 3:5

Se mndani ka nyumba ya hombe va ti ti vhate ngu mapulango, ngu txitmwi ka ona ma ti bhamilwe ngu nzalama e hamba sifaniso sa mitxhese ni sa tiketani.

Jeremiya 22:14

Awu a ku khene: “Ni na ti akela nyumba ya hombe. Ni sibhiya so anama, a txi dhoda mafasitela; a txi nameketela makedhari, ni ku yi penda ngu mxowo wo bhilivila.”