Ndando ya Tindando 1:13 - Bhiblia Yo Sawuleka

¹³ Txirandwa txangu, kwangu txi fanana ni sidhavyana sa mira; txi na zumba hagari ka titshumbu tangu.

Ndando ya Tindando 1:13 Referans Kwoze

Vaefesu 3:17

ni ti to Kristu a txi aka timbiluni kwanu ngu kukholwa, kufela ku lirando li txi maha mkoloti wa kutsanisa dihanyo danu.

Johani 19:39

Nikodhemo nene, awule kukhatani a nganga ya ni wusiku a txi ya womba-womba ni Jesu, a tile nene ni mira yi nga ti patanisilwe kumweko ni aloesi, asi si nga ti ni mpimo wa mtxhanu wa magumi a makilu.

Masalmo 45:8

Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Ndando ya Tindando 5:13

Mathama akwe ma fana ni ndima ya mipepo, kufana ni simangwana sa mwasi wo nungela; txisofu txakwe txi fanana ni makhoñwa di di dotako mafura a mira.

Ndando ya Tindando 5:5

Se ni to wuka, ni ya tulela txirandwa txangu ku to nyuka mafura a mira manzani kwangu, ma txi thothoketa ngu titihoni kwangu, me nakanisa sikhweketo sa ditimba.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Ndando ya Tindando 4:14

Nardhu ni safarawu, ni kalamoni ni kanela, ni yotshe mindonga ya dibaselo, ni mira ni alowesi, ni sotshe sibhumuliso.

Ndando ya Tindando 4:6

Ni na tsula mmangoni ka mira, ni tximangwanani ka dibaselo, kusanzi kutitila, ni mitsudi yi sanzi kumwalala.

Ndando ya Tindando 3:5

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni hambi kuvhumukisa lirando langu, kala kuza li ti lava li pune.

Ndando ya Tindando 2:7

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni lirando langu, kala kuza li ti lava.

Genesisi 43:11

Sekoko tate wawe Israyeli, a to va gela, a txi khene: “Ngako ti di ngeto, mahani toneto! Thelani sa lisima ngutu sa ditiko dathu, mi na ya maha siningo ka mamoyo: Mafura amadotho o bhumula, ni wulombe wa wudotho, ni makha, ni mira, ni mapistasi, ni tifula.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Ndando ya Tindando 4:16

Khukha, moya wa wuphemba, ngono awe moya wa wulambwe; futeta thembweni kwangu, kasi kupfalisa kunungela ka yona. Ha! I ti ku txota txirandwa txangu thembweni ka txona, txi ta dya mihando ya txona yo tshamba.