Ndando ya Tindando 1:10 - Bhiblia Yo Sawuleka

¹⁰ Mathama ako ma tsurisetwe ngu siketiketi, ni thamo yako ngu wusekenya.

Ndando ya Tindando 1:10 Referans Kwoze

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

Ndando ya Tindando 5:13

Mathama akwe ma fana ni ndima ya mipepo, kufana ni simangwana sa mwasi wo nungela; txisofu txakwe txi fanana ni makhoñwa di di dotako mafura a mira.

Genesisi 24:47

Sekoko ni to mu wotisa ni txi khani: U mwanana wa mani kani? Ene a ni xamute a txi khene: “Ni mwanana wa Bhetuweli, mwana Nahori ni Milka.” Sekoko ni to nameka phera ha thonvuni kwakwe, ni txi mu ambeka masinda mawokoni kwakwe.

Ndando ya Tindando 4:9

U ni dute mbilu, ndiyangu, awe txirandwa txangu, u ni thote mbilu ngu maso ako, ngu liketani limwelo li ku thamoni kwako.

Mavingu 1:9

Nguko sona si na va m'bhoti wa wunene ha msungo kwako, ni wusekenya thamoni kwako.

Mitengo 31:50

Ngu kumaha keto, va to tisa mningelo ka Mkoma, mmwani ni mmwani ngu ha a nga pimisa ngu kona: Mihindo ya msuku, tiphera, masinda, tiketani, ni wusekenya.

Genesisi 41:42

Se Faro a to thavisa phera ngu dianzani kwakwe, e yi veka ka dianza da Josefa, a to mu ambekisa syambalo sa linyu yo hehuka, a txi mu ambekisa liketani la nzalama thamoni kwakwe.

Genesisi 24:22

Mbimo yi makamelu ma nga gwita kusela mati, wamwamna a to teka txikurufu txa nzalama, txa hafu ya dixekele kunemela ka txona, a txi mnameka ha thonvuni, ni masinda mambidi, a digumi da maxekele kunemela ka ona, a txi mu ambalisa mawokoni kwakwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Genesisi 24:53

Se awu wa txithumi a di humisile siya sa silivhela, ni sa nzalama, ni tinguwo, a to si ningela ka Rebheka; e ninga kambe ndiyakwe Labhani ni mame wakwe, sihiwa sa lisima la hombe.

Ndando ya Tindando 1:11

Hi na ku mahela liketani la nzalama, li ku ni sipikiryana sa silivhela.