Nahume 3:6 - Bhiblia Yo Sawuleka

⁶ Se ni na rinza txitimwi kwako simaha so nyenyeza, kambe ni na kupoyila, ni txi kumaha txikombiso txa walo.

Nahume 3:6 Referans Kwoze

Malakiya 2:9

Ngu toneto, nani ni mi mahile vo eyiseka, ni kutxhipa masoni ka votshe vathu, ti ti wombako ku kha ma xayisa tinzila tangu, aniko mi sawute tikhohe kutxhamuselani ka mlayo.

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

Jobe 9:31

Ni ka toneto, Txizimu txi na ni pfhokometa madhakani, se syambalo sangu sipune si na ni nyenyeza.

Vahebheru 10:33

Ka timwani timbimo, i ti anu mi nga ti tseketselwa masoni ka vathu, mi txi ruketelwa ni kuxaniswa; kambe ka timwani timbimo, mi xanisekile kumweko ni vale va nga ti ka sixaniso so nga toneto.

1 Vakorinto 4:9

Kha ditshuri, Txizimu ngu nga txi to hi veka athu, vapostoli, ka wukhalo wa magwito, kota nga vo abaniselwa kufa, nguko ngu ditshuri hi mahilwe msaho wa kuhungata ditiko ni tingelozi ni vathu.

Nahume 1:14

Mkoma a vekile mlayo wa ku kuwukela, waku ku si maneki ni wammweyo wo dhanwa ngu ditina dako; kukhukhela nyumbani ka txizimu txako, ni na fuvisa sithombe so vatwa ni sa kunyekiswa; koneho ni na maha kona dithitha dako, nguko u txhipile.

Jobe 30:8

I ti ti vanana va siphuku-phuku, vanana va vathu vo mbi na matina, va ti ti tutumiswa ditikoni.

Judha 1:7

Kufana ni toneto, Sodhoma ni Gomora, ni mamwani madhoropa a hafuhi, ngu mhaka ya kutiningetetela ka wugelegele, ni ka mithumo ya wugango wo hambana ni ntumbuluko, madhoropeyo ma mahilwe txialakanyiso masoni ka votshe vathu, me ningelwa kutsayiswani ka mndilo wo mbi guma.

1 Vakorinto 4:13

hi txi singetwa makuhu, athu hi womba mapswi a thavelelo. Hi hindukile hi txi nga ho va nzambwa ya mafu, ditala da votshe, kala ditshiku da nyamsi.

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.

Sidilo 3:16

Akunute makwasa angu ngu sirigwana, a txi ni fenengeta ngu dikhuma.

Jobe 30:19

Txizimu txi ni rinzile amu ka lidhaka ni za ni txi fanana ni lithulu ni dikhuma.

Ezekhiyele 16:37

wona taku ni na sengeleta sotshe sigango sako, asile u nga patana naso, ni votshe vale u nga va randa, ni votshe vale u nga va nyenya, ni na va tshanganisa va txi kurandela ve kuwukela, ni na kombisa wumbwiri wako masoni kwawe, kasi kuve wona wumbwiri wako wotshe.

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.