Nahume 3:16 - Bhiblia Yo Sawuleka

¹⁶ Mbavangi ngutu vanyamabhindu vako kupinda tinyeleti ta nzumani; humbi yi na anda yi txi puruma.

Nahume 3:16 Referans Kwoze

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Genesisi 22:17

ni na kukatekisa, ni andisa liveleko lako, nga tinyeleti ta nzumani, ni ku nga mtxhefa mabambe ka linene; liveleko lako li na honyola madhoropa a valala va lona.

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Masalmo 105:34

Txizimu txi rumile, ku so humelela humbi; ni txigoñwani txo mbi balwa.

Isaya 23:8

I mani a nga lulamisa txikungo txo wukela Tiro, didhoropa da mibhoti, adi vaaki va dona i ku vathangeli, ni vanyamabhindu va dona i ku vo dhundeka ha mafuni kani?

Joyeli 1:4

Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.