Nahume 3:13 - Bhiblia Yo Sawuleka

¹³ Wona taku vathu vako, a va va ku hagari kwako, va na nga vavasikati; sike sa ditiko dako, si tulekile ka valala vako; mndilo wu na tshokomisa sikhoto sa tisimbi.

Nahume 3:13 Referans Kwoze

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

Nahume 2:6

Matimba a minambo ma na tuleka, se nyumba ya wukoma yi na khundumukela.

Jeremiya 50:37

Di nata ditxhari txitimwi ka mahantxhi awe, ni txitimwi ka sikotxikani sawe, ni txitimwi ka votshe vathu va va nga patanelana, va ku hagari ka dona; se vona va na nga vavasikati: Ditxhari di nata txitimwi ka tithomba tawe, ti na honyolwa.

Masalmo 147:13

Ene wa tsanisa sikhoto sa matimba ako e katekisa vanana vako va ku mndani kwako.

Masalmo 107:16

Ene a bhandisete matimba a tisimbi e komolela minaneko ya sikete.

Jeremiya 50:36

Di nata ditxhari txitimwi ka va makuhu, kha va na mbi pfa txilo: Ditxhari di nata txitimwi ka tindena tawe, ti na tsivala.

Nahume 3:15

Eho mndilo wu na kutshokomisa, ditxhari di na kuhetisa; di txi kulovisa nga humbi, anda ku nga humbi, anda ku nga humbi.

Obhadhiya 1:9

Se tindena tako, awe Temani, ti na dhukiswa, kasiku ngu mmangoni ka Esawu, ti txi dawa, yimweyo-yimweyo.

Nahume 2:7

Huzabhi a tumbutwe; a na tekwa a txi yiswa wukhumbini, se sithumi sa txisikati si na m'heleketa, si txi dila nga situvani, si txi ti peka tikhana.