Nahume 3:11 - Bhiblia Yo Sawuleka

¹¹ Nanawe Ninivha, u na leva u txiya sisala, kambe u na lava mtamo, ngu kuthava valala vako.

Nahume 3:11 Referans Kwoze

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Isaya 2:10

Tsula, wulela mndani ka marigwi, u tisisa mu ka lithulu, masoni ko thaviseka ka Mkoma, ni ka wudhumo wakwe wa hombe.

Luka 23:30

Sekoko ka yoneyo mbimo, va nata gela mimango va txi kha vona: ‘Welani txitimwi kwathu!’ Ka situnga va nata kha vona: ‘Hi khubhunyeteni!’

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Hoseya 10:8

Se mimango ya Avheni, i ku txionho txa Israyeli yi na khundumuswa; mipa ni maxexo si na kula txitimwi ka siluvelo sawe; se va na kha vona ka mimango: Hi fenengeteni! Se ka simangwana: Welani txitimwi kwathu!

Jeremiya 4:5

Zivisani kona Judha mi peka huwa kona Jerusalema, mi txi khanu: Vetani mipundu ditikoni, mi kwangula, mi txi khanu: Tshanganani mi tutumela madhoropani ka mikhokhola.

Isaya 2:19

Sekoko vathu va na wulela tiphakoni ka marigwi, ni mu ka maphala a mafuni, ngu mhaka ya kuthava Mkoma, ni kudhumiswa ka wuhombe wakwe, ngako a txi khukha kasi kuxamalisa ditiko.

Masalmo 75:8

Manzani ka Mkoma ku ni digombe do tala ngu vhinya yo bava ya kuhenya kwakwe, ayi ene a ningako vathu vo biha va ditiko, kasiku ve sela; se vona va sela kala kuheta tximinye txa kona.

Nahume 2:1

M'hoxoti se aho masoni kwako, awe xayisa dikhokhola, wonisisa nzila, sunga txiwunu, tsanisa ngutu mtamo wako.

Mika 7:17

Va na danzela lithulu ku nga minyoka; va na huma ngu makhokholani, kufana ni sihari so tsimbila ngu dibindi na va txi dhudhumela; va nata ka Mkoma, Txizimu txathu, ngu kudhudhumela, na va txi kuthava.

Amosi 9:3

Hambi ngako va txo ya barama tshokani ka mmango wa Karmeli, na ya va teka, se ni va thavisa kona niya; se ngako va txi ti sisa ka maso angu hahatshi ka linene, aho koko na ruma mnyoka, se wona u na va luma.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 8:14

Ngu kutxani hi ku ngadi hi txi zumba hawa kani? Ahi tshanganeni, hi txi wulela ka madhoropa o tsana, se eho hi txi malala; nguko konakuwa, Mkoma Txizimu txathu, a hi malatile, e hi seta mati a nyongwa; nguko hi onhete Mkoma.

Isaya 63:6

Se ni kandetete vathu kuhenyani kwangu, kambe ni va lavisile ngu txiviti txangu, se ni wisa mtamo wawe hahatshi.

Isaya 29:9

Swelani, se mi xamala, mi humula, ni kukwangula; va levile, aniko i si nga ngu vhinya; va tsimbila va txi dhedherekela, aniko na i si nga ngu sopa.

1 Samuwele 14:11

Ngu wumbidi wawe va to ti kombekisa ka vawoneleli va Vafilista, se Vafilista va to kha vona: Wonani taku Vahebheru va humile ngu maphalani mule va nga ti baramile kona.

1 Samuwele 13:6

Va di ti woni koko vavamna va ka Israyeli to va xomuloni (nguko vathu va ti ti kamekile), vathu va to barama amu ka tiphako, ni amu ka mipa, ni hagari ka marigwi, ni amu ka sisima, ni maphalani,