Nahume 3:10 - Bhiblia Yo Sawuleka

¹⁰ Hambi keto, dona di tekilwe di tsula wukhumbini; vanana va dona va phatuletwe amu ka totshe tinzila ta hombe, se txitimwi ka vathaviseki vawe va to xaxuva tixolo, ni votshe vahombe vawe va sungilwe ngu titxhini.

Nahume 3:10 Referans Kwoze

Isaya 20:4

ngu kumaha keto, mfumeli wa Asiriya, a na teka va va nga ñolelwa ditikoni ka Egipta ni Etiyopiya, majaha ni vo kumba, a txi va yisa wukhumbini, va na tsula i di simbwiri, va sa ambala txilo mikondoni, va sa ti pambiyeta txilo, njikombiso txa tingana ka Egipta.

Obhadhiya 1:11

Ka ditshiku dile u nga maneka masoni kwakwe, ka ditshiku dile vamatiko va nga yisa wukhumbini dibutho dakwe, se valala va ti ti wulelela ngu sike sakwe, va ti ti xaxuvela tixolo xungetano ngu Jerusalema, awe upune u ti ti mmweyo wawe.

Joyeli 3:3

Va xaxuvile tixolo ka vathu vangu, ve ningela mfana ka digelegele, va xavisile dihorana ngu vhinya ve sela.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Sidilo 2:19

Wuka, u peka nyandayeyo, u dila kukhatani ka sigava sa mikombelo ya wusiku, tshakunuta sotshe si si ku mbiluni kwako. U txi si humisa kubasani, masoni ka nyamne wa sotshe. Guleta mawoko ako kwakwe, u txi phaxela vanana vako, ava vafako ngu nzala sidingeni ka otshe magondo.

Isaya 13:16

Vanana vawe va na phwaraselwa va txi si wona; tinyumba tawe ti na honyolelwa, ni vasikati vawe va na pfinyetelwa.

Amosi 1:13

Mkoma a womba tiya: Ngu kuhambunyeta kuraru ka vanana va ka Amoni ni ka wumune, kha ni na mbi thavisa txitsayiso, nguko va dolete sirumbu sa Gileyadhi, kasi kuve engetela mihingano yawe.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Masalmo 137:8

O! Awe mwanana wa muhorana wa Bhabhilona, u no xaselwa! A katekile awu a no kutshumetela nga ti u nga mahisa tona kwathu.

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

Jobe 6:27

Aniko, kukhata, mo xaxuvela tixolo txikulungu, mi dyelelwa, mi ningela walo mngana wanu.

Masalmo 137:9

A katekile awule a no ñola vanana vako, e va phwarasela ha marigwini!

Masalmo 149:8

kasi kusunga vafumeli vawe ngu titxhini ni manganakana awe ngu makhodha a tisimbi;

Isaya 19:4

Se ni na ningela Vaegipta manzani ka m'thu wo karata ngutu, va na fumelwa ngu mfumeli wo xupha ngutu, kuwomba Mkoma, Mkoma wa Mabutho a Tiyimbi.

Ezekhiyele 29:7

Mbimo yile va nga kuñola ngu dianza, u ti funyile u txi va dayisela otshe makata.