Nahume 2:8 - Bhiblia Yo Sawuleka

⁸ Ninivha kukhukhela a diho, a zumbisa ku nga txiziva txa mati; aniko vona konkuwa va tutuma. “Emani! Emani!” Waho a dhanako; aniko ni wammweyo kha na mbi wona msana.

Nahume 2:8 Referans Kwoze

Mtuletelo 17:15

Ngelozi yi to engeta yi txi kha yona: Mati yawa u nga ma wona, ahawa digelegele di nga khala kona, i matiko ni mabutho a vathu, mifumo ni tidimi.

Mtuletelo 17:1

Se yimweyo ka tingelozi ta mtxhanu ni timbidi ti nga ti ñote mtxhanu wa magombe ni mambidi yi to ta yi ta ni gela tiya: “Ngono, ni ta kukomba kulamulwa ka digelegele da hombe, di nga khalahatsha ha mabambe ka mati o tala,

Nahume 3:17

Va nyamibhoti vako va fana ni tihumbi, se vathangeli vako va fana ni tihumbi ta hombe, ti ti khandamako masetani ngu masiku a pheho; ngu kuguleka ka ditambo, ta puruma, ku si ziwi ni mu ti ku kona.

Jeremiya 51:30

Avale va ku ni mitamo amu Bhabhilona va lekile kulwa, va mule ko wonelela, yi gumile mitamo yawe, va txi nga mbavasikati: Ti hisilwe tinyumba mitini kwawe, kufunyilwe sikhweketo.

Jeremiya 50:16

Thavisani kona Bhabhilona ava va phayako, ni vale va ñolako disikela ngu mbimo yo funyela: Ngu mhaka ya ditxhari do hinda, mmweyo ni mmweyo a na wukela va ka kwawe, kambe mmweyo ni mmweyo a na tshumelela ditikoni kwawe.

Jeremiya 46:5

“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Isaya 47:13

U ti karalisile ngu kuxaxuwa kotala; va na wuke koko konkuwa, avale va pimako nzuma, vale va nga ti wonetela tinyeleti, va va hutako kumeka ka mtxima, va na ku hulukise ka ti ti nota txitimwi kwako.

Isaya 13:14

Mmwani ni mmwani a na fana ni mhoti yi yi tutumiswako, va txi nga tivunta to pwata m'dyisi; mmwani ni mmwani a na tshumelela ka va ka kwawe, votshe va na tutumela ditikoni kwawe.

Genesisi 10:11

Nimrodhe a khukhete ka dona ditiko dile, eya Asiriya, a nga aka Ninivha, ni Rehobhoti-Iri, ni Kala

Jeremiya 51:13

O awe u zumbako ka matiko amangi, wa kufuma ngu tithomba! Ma hokile magwito ako, mpimo wa likungo lako.

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Nahume 1:1

Kulamulwa ka Ninivha. Dibhuku da txiwoniso txa Nahume, Muelikoxi.

Isaya 38:14

Ku nga mbeluvelu ni nyawukolwe, ni ti ti foma, ni keta kufana ni mmbaha wa txituvani, ni ti ti gula maso txitimwi; awe Mkoma, ni maneka kupandisekani! Ni lamulele.

Isaya 59:11

Athu hotshethu ha bhonga ku nga singwingwi kambe hi simama hi dilisa ku nga situvani; hi verela kulamulwa, aniko kha ku humeleli; hi verela kuhanyiswa aniko ku kule ni nathu.