Nahume 2:4 - Bhiblia Yo Sawuleka

⁴ Sikotxikani si na horolokela mitendelani, si na gumulana amu ka tinzila ta hombe; kuwoneka ka sona kufana ni sisase sa mndilo, va na tutumisa ku nga singwalangwanda.

Nahume 2:4 Referans Kwoze

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Ezekhiyele 26:10

A na ku fenengeta ngu lithulu la mahantxhi akwe o tala; maguma ako ma na zinginika ngu sigingo sa mahantxhi, ni sa madangarita, ni sa sikotxikani, mbimo yile mlala a no wulela ngu matimba ako, nga o wulela ngu sike si nga tuletelwa sa didhoropa.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Dhaniyeli 11:40

Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.

Isaya 37:24

Ngu sithumi sako, u sote Mkoma u txi khawe: Ngu sikotxikani sangu sasingi, ni kwelete titshokani ka mimango, madhawani ka Libhanoni; kambe ni na gangela mikedhari yakwe yo lapha, ni mikhure ya kona yo tshura, ni na hoka tshokani ka kona ko guleka ngutu, ka txitinga txa thembwe yakwe yo nona.

Jeremiya 46:9

Tsulani masoni ni mahantxhi, rindilikelani ngu diguwa anu sikotxikani, va na humelela avale va mtamo, Vaetiyopiya ni Vapute, va va tekako sitxhavangu, ni va Lidhiyo va va zivako kudomba wulaho.”

Ezekhiyele 23:24

Se va nata kuwukela va di ni sikotxikani ni vathu votala; va txi ta kurandela va di ni sitxhavangu, ni sigoko; kambe ni na veka masoni kwawe valamuli, ava va no kulamula ngu malamulelo awe.

Ezekhiyele 26:7

Nguko Mkoma Txizimu a khene: Wona taku Tiro ni na mtisela Nebhukodhonosori, mfumeli wa Bhabhilona, kukhukhela Wuphemba, mfumeli wa vafumeli, ni mahantxhi, ni sikotxikani, ni vagadhi va mahantxhi, ni vaheleketi, ni vathu votala ngutu.

Mavingu 31:21

Kha nga ni dizowa ni hunguva, nguko yotshe nyumba yakwe ngu mndani yi bhiyetwe ngu simaha so tshanzuketelwa.