Nahume 2:13 - Bhiblia Yo Sawuleka

¹³ Wona taku ani ni na kuwukela, kuwomba Mkoma wa Mabutho a Tiyimbi: Ni na hisa sikotxikani sako si tuvikisa wutshi, se ditxhari di na xasela singonyamwana sako, kambe ni na honyola so xotwa sako ha mafuni, kha di na mbi ngadi di pfala dipswi da vakombisi vako.

Nahume 2:13 Referans Kwoze

Nahume 3:5

Wona taku ani na kuwukela, kuwomba Mkoma wa Mabutho a Tiyimbi, se ni na vhunungula khohe yako, ni kombisa wumbwiri wako ka matiko, ni tingana tako ka mifumo.

Jeremiya 21:13

Hi nga wona, ni ni txisolo ni nawe wo zumba mkovani, awe dirigwi da libalani, kuwomba Mkoma; ni ni mhaka ni nanu mi ku khanu: I mani a no relela e ta hi wukela kani? I mani a no wulela dizumboni kwathu kani?

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

2 Vafumeli 19:23

Ngu mitumi yako u lwisile Mkoma u txi khawe: Ngu kutala ka sikotxikani sangu, na kwelela ani txitimwi ka mimango yo sawuleka, ya didhawani ka Libhanoni, ni na gangela mikedhari yakwe yo lapha, ni mikhure yakwe yo tshura, ni na wulela kala mtungwe ka tinyumba takwe, kala ka sitinga sakwe so nona.

Nahume 3:1

Dikhombo ka didhoropa da mnoha, dona dotshe di tate ngu makuhu ni wubihi! Kupa kha ku khukhi ka dona.

Ezekhiyele 5:8

ngu mhaka yeto, Mkoma Txizimu a khene: Wonani taku ani, ina, ani nipune, na kusola; ni na kutsayisa ma txi kuwona matiko.

2 Vafumeli 19:9

Mbimo yile ene a nga pfa taku Tiraka i ku mfumeli wa Etiyopiya wa huma, a lava ku kulwisa, a to engeta e rumela mitumi ka Ezekhiya, a txi khene:

Joxuwa 11:9

Se Joxuwa a mahile nga ti Mkoma a nga m'gelisa tona; a to wilela misiha ya mahantxhi awe, e hisetela ni sikotxikani sawe kambe.

Nahume 3:12

Yotshe mikhokhola yako mi na nga mikuwu, yi ku ni makuwu o vitwa; ma txi zuzwa, ma wela mkanani ka wule a no ma dya.

Ezekhiyele 39:1

Awe koko mwanana wa m'thu, profeta kambe u wukela Goge, u txi khawe: Mkoma Txizimu a khene: Wona taku, ani na kuwukela, awe Goge, mkoma ni mthangeli wa Meseki ni Tubhali.

Ezekhiyele 38:3

I nda khawe: Mkoma Txizimu a khene: Wona taku na kuwukela awe Goge, mkoma ni mthangeli wa Meseki, ni Tubhali.

Ezekhiyele 35:3

U txi khawe ka wona: Mkoma Txizimu a khene: Wona taku ani na kuwukela, awe mmango wa Seyiri, kambe ni na nawuluta dianza ni kuwukela, ni txi kumaha dirumbi ni txixamaliso.

Ezekhiyele 29:10

ngu tona eto, ani na kuwukela, ni kuwukela minambo yako; se ni na maha Egipta eva dirumbi ni txiwula txa txiwunda, kukhukhela Migidholi kala Seveni, kala mihinganoni ka Etiyopiya.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 28:22

Se i nda khawe: Mkoma Txizimu a khene: Wona taku na kuwukela awe Sidhoni, kambe ni na dhumiswa hagari kwako, mi na tiziva taku ani ngani Mkoma, mbimo yi ni no mlamula, ni txi ti sawulekisa kwakwe.

Ezekhiyele 26:3

Ngu kumaha keto, Mkoma Txizimu a khene: Wona taku ani na kuwukela awe Tiro, se ni na maha ti to matiko o tala ma txi kulwisa, ku nga linene li guletako mavimbi a lona.

Jeremiya 51:25

Ti wone, na kuwukela, awe mmango, mkhunduluseli, kuwomba Mkoma, u khundumusako dotshe ditiko, kambe ni na nawuluta dianza dangu, ni txi kurindilita amu marigwini, se ni na kuhisa ngu mndilo wa hombe.

Jeremiya 50:31

Wona ti taku ani na kuwukela awe nyakutikulise, kuwomba Mkoma, Txizimu txa Mabutho a Tiyimbi, nguko di hokile ditshiku dako, i ku mbimo yi ni no kuendela ngu yona.

2 Makronika 32:19

Va to womba-womba ngu Txizimu txa Jerusalema, nga ti va wombawombisako tona ngu sizimu sa vathu va ditiko, so mahwa ngu manza a vathu.

2 Vafumeli 18:19

Se Rabhisake a to va gela ku khene: Gelani Ezekhiya ku khanu: Mfumeli wa hombe wa Asiriya a khene: Kasi awe wo themba txani kani?

2 Vafumeli 18:17

Hambi keto, mfumeli wa Asiriya a to rumela Tartani, Rabhi-Sarisi, ni Rabhisake, ve khukha ngu Lakisi, ni dibutho da hombe da yimbi, kuya ka mfumeli Ezekhiya kona Jerusalema; va to kwelela veta Jerusalema, se mbimo yile va nga txi kwelela va txita, va to ema ngu ka nzila ya mati a diguwula da hombe, di ku hafuhi ni nzila ya thembwe ya mkuwuli.

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Jeremiya 46:14

“Zivisani ka Egipta, mi pfalisa tiya ka Migidholi, pfalisani kambe ka Nofe, ni ka Tafinesi, mi txi khanu: Ti henjelete ni ku ti vekisa, nguko, ditxhari di dyite asile si ku madhawani kwako.

Ezekhiyele 13:8

Ngu tona eto, Mkoma Txizimu a khene: Ngako mi wombawombako ta manyala ni kuwomba makuhu, ngu toneto, ani na mi wukela, kuwomba Mkoma Txizimu.

Ezekhiyele 21:3

Womba ka ditiko da ka Israyeli u txi khawe: Mkoma a khene: Wona taku na kuwukela, ni na swomola ditxhari dangu ngu msavani kwangu, ni fuvisa hagari kwako, vo lulama ni vabihi.

Nahume 2:12

Ngonyamo yi ti ti phatulela asi si nga ti dingana vanana va yona, kambe yi ti ti kama makolo a sihari kasi kuya ninga tingonyamo ta mikati, ni ku tata dizumbo da yona ngu mipfimba, ni maphala a yona ngu so xotwa.

Nahume 3:15

Eho mndilo wu na kutshokomisa, ditxhari di na kuhetisa; di txi kulovisa nga humbi, anda ku nga humbi, anda ku nga humbi.