Nahume 2:10 - Bhiblia Yo Sawuleka

¹⁰ A na sala i ti diphanga, a di gumile, i di marumbi; se mbilu ya bhibhika, ni mazolo ma dhudhumela, kambe wotshe msana wa panda; ni tikhohe tawe votshe ta kwalala.

Nahume 2:10 Referans Kwoze

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Joyeli 2:6

Masoni kwakwe vathu va na thava, totshe tikhohe ti nga mtima wa khadi

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Jeremiya 30:6

Wotisani koko, ina wamwamna a nga sikota kuveleka kani? Ngu kutxani ni wonako vavamna mmweyo ni mmweyo a ti ñolako txiwunu nga wamsikati a lumwako kani? Nguko txani tikhohe totshe ti nga thuvika kani?

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 21:3

Ngu toneto, txiwunu txangu txi taletwe ngu kupanda ka hombe; kupandiseka ku ni ñote ku nga kupandiseka ka wule a lumwako; na xaniseka ngutu, aha ko kha ni sikoti ni kuengisa, ni dhukile ngutu, kha ni sikoti ni kuwona.

Zefaniya 3:6

Ni fuvisile matiko, sitezi sa kona si mahile marumbi, ni mahile siwula tinzila ta kona, aha koza ku si pindi m'thu ka tona; madhoropa a kona ma hoxotilwe, aha koza ku si sali ni wammweyo, kupwateka ni wo zumba ka ona.

Nahume 3:7

Se ku na maheka taku, votshe vale va no kuwona, va na kututuma, va txi kha vona: Ninivha a hoxotilwe; i mani a no mpfela wusiwana kani? Ni na ya va teka hani vo ta kuthavelela kani?

Jeremiya 51:62

Kambe u na khawe: Mkoma! Awe u wombawombile ngu wukhalo wuwa, ti taku u na wu fuvisa, ku na za ku si sali ni wammweyo wo zumba, hambi m'thu mwendo txihari, aniko ku na maha marumbi o gwita.

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Joxuwa 2:11

Ngako hi di ti pfite eto, timbilu tathu ti to tsivala, se kha ku nga ni wammweyo wo tsana, ngu mhaka ya kumaneka kwanu; nguko Mkoma, Txizimu txanu, Njizimu txitimwi nzumani ni hahatshi mafuni.

Genesisi 1:2

Mafu ma ti sinzi kuva ni khohe, ma ti sinzi kuva ni txilo; txidema txi ti ti fenengeta kuhokoma ka linene; se Moya wa Txizimu wu ti ti zinginika txitimwi ka mati.

Joxuwa 7:5

Se vavamna va ditiko da Ayi va to daya hafuhi ka magumi mraru ni mtxhanu ni mmweyo ka valala vawe, va txi va tutumisa kukhukhela ha txikeni, kala Sebharime, se va to va dayela mkovani; aniko timbilu ta vathu ti to nyeka, ti txi fanana ni mati.

Jeremiya 8:21

Ni karateka ngu mhaka ya txilonda txa mwanana wa txisikati wa vathu vangu, ni ni xomulo, ni ñotwe ngu kuthava.

Jeremiya 49:23

Xungetano ngu Dhamasku, a vile ni tingana Hamati ni Aripadhe, ni mbimo yile va nga pfa mahungu a maphya o biha, va to tsivala; lineneni ku ni kuxaniseka, kuwalo kuthutha.

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Ezekhiyele 31:15

Mkoma Txizimu a khene: Ka ditshiku dile wu nga relela mndiloni, ni mahile ti to ku txi va ni txidilo; ni to fenengeta kuhokoma, ngu mhaka ya wona, ni ñote milonga ya mnambo yi txi ema; kambe ni fenengetile Libhanoni ngu mtima ngu mhaka ya wona, se yotshe mindonga ya txitinga, ngu mhaka ya wona, yi fite.

Nahume 2:2

Nguko Mkoma a na wuyisa kambe kudhundeka ka Jakobe, kumweko ni kudhundeka ka Israyeli; nguko vaonheteli va onhetete, kambe va xurulete madhavi awe.