Nahume 2:1 - Bhiblia Yo Sawuleka

¹ M'hoxoti se aho masoni kwako, awe xayisa dikhokhola, wonisisa nzila, sunga txiwunu, tsanisa ngutu mtamo wako.

Nahume 2:1 Referans Kwoze

2 Makronika 25:8

Ngako u txo tsula, hambi u txo va ni mtamo, Txizimu txi na kuwisa masoni ka valala vako, nguko Txizimu txi ni mtamo wo vhuna ni wa kuwisa.

Jeremiya 50:23

Eto yi nga wiliswa tona ni kufaywa hamela yile yi nga xanisa ditiko dotshe! Eto a xamalisiswako tona ngu matiko Bhabhilona!

Isaya 14:6

Ayile va nga ti peka vathu ngu yona ngu txiviti, ngu txiruko txa kwa mbi guma, va txi fumela matiko ngu tshofu, se konkuwa, va tutumiswa, kusina wu a va tsivelako.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Masalmo 50:14

Mningelo wako wa ditshuri ka Txizimu ngu ku txi bonga ni kuxayisa sithembiso si u nga si maha ka Nyatxitimwi!

Masalmo 65:2

Awe wa engisa mikombelo yathu se votshe va ta kwako,

Isaya 29:7

Se kufana ni mloro ni txiwoniso txa wusiku, i nava kutala ka otshe matiko, ale ma no lwa me wukela Ariyeli, ni votshe vale va no lwa ve muwukela, ve wukela maguma akwe, ve mxanisa.

Isaya 29:8

Se va na fana ni m'thu wa nzala, wo lora a txidya, aniko a txi wuka, epfa m'hefemulo wakwe i ti diphanga; mwendo ku nga m'thu wo pfa ditora, a lorako a txi sela mati, aniko a txi wuka, e maneka a di tsivate, kambe muhefemulo wakwe wu ti ni ditora; ma nava toneto otshe matiko amangi, ale ma no lwa me wukela mmango wa Siyoni.

Isaya 52:7

Hi nga kutshura ka yona txitimwi ka mimango mikondo ya wu a zivisako mahungu amanene, a wu a huwelelako kudikha, a zivisako wunene, a pfalisako kuhanyisa, a ku khene ka Siyoni: “Txizimu txako txa fuma.”