Nahume 1:7 - Bhiblia Yo Sawuleka

⁷ Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

Nahume 1:7 Referans Kwoze

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Johani 10:27

Tinvuta tangu ta engisa dipswi dangu, se ani na tiziva, nitona ta ni londisa.

Sidilo 3:25

Mkoma Txizimu ani wunene ka vale va mthembako, ka vathu vale va mlavako.

Johani 10:14

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Masalmo 100:5

Nguko Mkoma mbwamnene, ni wumbilu wakwe kha wu na magwitiko! Kambe ditshuri dakwe nda liveleko ni liveleko.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

Vagalatiya 4:9

Aniko konkuwa, ngako mi txi zivako Txizimu, mwendo, ngu mawombelo a txhuko, ngako mi ziwako ngu Txizimu, ti mahisa kutxani kutshumela kambe mi ya ka sa ku ambi na mtamo ni sa wusiwana, mi lava ku ti maha sithumi sa sona kani?

Isaya 25:4

Nguko uve mkhokhola wa txisiwana, kambe uve mkhokhola wa wule wo pwata, kuxanisekani kwawe; wuthavelo masoni ka txihuhuri, ni mtsudi ha lisanini; nguko kufuteta ka vaxanisi, kufana ni txihuhuri txo peka diguma.

1 Makronika 16:34

Dhumisani Mkoma, nguko mbwa mnene: Ni lirando lakwe li zumba ngu ha ku si gwitiko.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Masalmo 86:7

Ngako ni txi pfa kupandiseka, ni dila kwako, na ni txi themba tito, u na xamula mkombelo wangu.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Masalmo 25:8

Mkoma mbwa mnene kambe a lulamile; ngu kumaha keto wa gondisa vaonhi kutsimbila ngu tinzila ta tinene

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Masalmo 71:3

Awe maha m'vhikeli wangu ni wuthavelo wangu, awe u nga thembisa ku ni vhuna yotshe mbimo. Awe u dirigwi dangu ni mkhokhola wangu!

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 59:16

Aniko, ani ni na embelela mtamo wako; ni mixo, ni na dhumisa ngu litsako wumbilu wako, ngu ku uve wuthavelo wangu wo guleka ngutu, ni m'vhikeli wa da ditshiku da kuxaniseka kwangu.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Dhaniyeli 6:23

Sekoko mfumeli a to tsaka ngutu, e rumisa ti taku Dhaniyeli e humiswa diphalani ka tingonyamo; ngu kumaha keto, Dhaniyeli a to humiswa diphalani, se ve mana ti taku kha dawiswa ni ka kudhoto, nguko a ti khotwe ka Txizimu txakwe.

Varoma 11:22

Ngu konaho, khumbuka wunene wa Txizimu, ni kukarata ka txona; Txizimu txa karata ka vale va nga wa; txi komba wunene kwako ngako u txi simama wuneneni; aniko ngako u si mahisi toneto, na nawe u na gangwa.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

2 Makronika 32:11

Ina Ezekhiya kha mi kujeteli ku mi txi na fa ngu nzala ni ditora, a txi khene: Mkoma Txizimu txathu, a na hi hulukisa manzani ka mfumeli wa Asiriya kani?

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

Masalmo 20:1

Mkoma a na ku engise ka ditshiku da kupandiseka; Ditina da Txizimu txa Jakobe di na ku vhikele.

Masalmo 37:39

Kuhanyiswa ka valulami kuta ngu ka Mkoma, ngene wuthavelo wawe ka timbimo ta sikarato.

Masalmo 37:40

Mkoma wa va vhuna ni ku va hulukisa; ene wa va vhikela ka vabihi, a txi va hanyisa, nguko vona va themba ene.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 17:17

U nga ti mahe txidhusa kwangu; awe u ku wuthavelo wangu, ka ditshiku da dikhombo.

Jeremiya 24:5

Mkoma, Txizimu txa Israyeli, a khene: Nga kule vathu va tsakako ngu maxanvu amanene, ngu toneto ni na tsaka ngu Vajudha va va nga sungwa, ni xayisa kwati va ni nga va humisa ka wuwa wukhalo ni va yisa ditikoni ka Vakaldheya.

Joyeli 3:16

Se Mkoma a na bhonga a di Siyoni. Dipswi dakwe di na pfala Jerusalema, se nzuma ni mafu si na dhudhumela; aniko Mkoma a na va wuthavelo wa vathu vakwe ni mkhokhola wa vanana va ka Israyeli.

Zefaniya 3:12

Aniko hagari kwako ni na siya vathu vo ti veka hahatshi, va sisiwana, se vona va na themba ditina da Mkoma.

2 Makronika 13:18

Se va ka Israyeli va khozisilwe, vanana va ka Judha ve xula nguko va thembile Mkoma Txizimu txa vatate vawe.

Masalmo 9:10

Va kuthemba avale va ku zivako, nguko awe, Mkoma, khu tshuraleli ava va ku lavako.

Masalmo 46:2

Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.