Nahume 1:3 - Bhiblia Yo Sawuleka

³ Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Nahume 1:3 Referans Kwoze

Masalmo 147:5

Mbwa hombe Mkoma wathu, kambe mbwa mtamo wa hombe; wuzivi wakwe kha wu na magwito.

Nehemiya 9:17

Se va to lamba ku kuengisa, va si khumbuli sixamaliso sako sile u nga va mahela, ve ti nemelisa kuthumani kwawe, se ngu wuhurupha wawe va to ti sawulela mthangeli, kasi ku e va thangela ve tshumelela wukhumbini kwawe; kambe awe u Txizimu txi txi divalelako, txo pfela ni wumbilu, txi swelako kuhenya, txo tala ngu wunene, se awe khwa va leka;

Masalmo 145:8

Mkoma a ni wunene ni wumbilu; wa timisela kambe a ni kutsetsa.

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!

Masalmo 103:8

Mkoma a tate ngu wumbilu ni wunene; wa timisela na a di tate ngu lirando.

Jakobe 1:19

Ti ziveni tiya, vanathu vo randeka; m'thu wuhi ni wuhi a na kuluvete kuengisa, a txi swela kuwomba, a txi swela kuhenya.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

Mitengo 14:18

“Mkoma wa timisela kambe a tate ngu wumbilu; wa divalela sionho ni sihambunyeto; hambiko vaonhi kha va leki, ve zumba ku nga kha va na mnandu; ene wa tshumetela sionho sa vatate txitimwi ka vanana vawe kala ka liveleko la wuraru ni la wumune.

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Jona 4:2

Se a to kombela ka Mkoma, a txi khene: Yowe! Mkoma! Ina hi nga tona tiya ni nga womba, ni di ngadi ditikoni kwangu kani? Ngu mhaka yeto, ni ti vhikete, ni tutumela kuya Tarxixi, ngu kuziva taku, u Txizimu txo pfela, ni wumbilu, txo timisela, ni kutala ngu wunene, ni ti taku wa hunduluka ka to biha.

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 62:11

Ka sikhati sasingi ni engisile mapswi awa Txizimu txi nga womba txi txi kha txona: “Mtamo wu lumba Txizimu.”

Jobe 38:1

Msana ka tiya, Mkoma a to xamula ka Jobe, ngu mu ka txihuhuri, a txi khene:

Jobe 10:14

Ngako ni txi onha, awe wa ni wona; ka wubihi wangu, khu na mbi ni divalela.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Masalmo 50:3

Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

2 Samuwele 22:10

Se a to kweva nzuma e txhika, aniko txidema txa hombe txi ti ti hahatshi ka mikondo yakwe.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.