Nahume 1:14 - Bhiblia Yo Sawuleka

¹⁴ Mkoma a vekile mlayo wa ku kuwukela, waku ku si maneki ni wammweyo wo dhanwa ngu ditina dako; kukhukhela nyumbani ka txizimu txako, ni na fuvisa sithombe so vatwa ni sa kunyekiswa; koneho ni na maha kona dithitha dako, nguko u txhipile.

Nahume 1:14 Referans Kwoze

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

Mika 5:13

ni na thavisela hagari kwako sithombe sako so vatwa ni so wubwa; se awe khu na mbi ngadi u khizama kambe masoni ka mithumo ya manza ako.

Mavingu 10:7

Ku alakanywa ka wo lulama ku katekile, aniko ditina da vaonhi di na sina.

2 Vafumeli 19:37

Mbimo yile a nga ti namile nyumbani ka txizimu txakwe Nisiroke, vanana va kona i ku Adrameleki ni Saresari, va to m'daya ngu ditxhari; hambi keto, va to thavela ditikoni ka Ararati; se mwanana wa kona Esari-Hadhomi, a to fuma ka wukhalo wakwe.

Dhaniyeli 11:21

Msana keto, ku na emiswa ka wukhalo wakwe wamwamna wo soleka, wa kuva a nga mbi ningwa madingano a wukoma; se a na humelela a di malate, e ta teka mfumo ngu wurindi.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Isaya 33:13

Engisani anu mi manekako kule, ati ni mahako; ni nanu mi ku hafuhi, zivani mtamo wangu.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Masalmo 71:3

Awe maha m'vhikeli wangu ni wuthavelo wangu, awe u nga thembisa ku ni vhuna yotshe mbimo. Awe u dirigwi dangu ni mkhokhola wangu!

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

1 Samuwele 3:13

Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka.

Levhi 26:30

Ni na haxulela makhalo anu o guleka, ni txi fayetela sithombe sanu sa ditambo, se ni na tshotsha sirumbi sanu txitimwi ka sirumbi sa sithombe sa sizimu sanu; moya wangu wu na karala ngu nganu.

Eksodha 12:12

Ka wusiku wonewo ni na pinda ditikoni ka Egipta kambe ni na daya otshe matiwula a vanana va ditikoni ka Egipta, kukhukhela ka vathu kala ka sifuyo; kambe ni na lamula sizimu sotshe sa Egipta, nguko ani ngani Mkoma.

Jobe 18:17

Maalakanyo akwe ma na lova mafuni, ditina dakwe kha di na mbi maneka mithandani.

Mika 5:14

Kambe ni na thavisela sithombe sako hagari kwako; ni hoxota madhoropa ako.

Habhakuki 2:10

U thete tingana mwaya wako, ngu kuheta vathu vavangi, u onhete moya wako.

Dhaniyeli 5:27

Tekele: U pimilwe ha txikaloni, se u maneka u txi hehuka.