Nahume 1:11 - Bhiblia Yo Sawuleka

¹¹ Ngu kwako awe Ninivha, kuhumile mmweyo wo alakanya wubihi ngu Mkoma, didhota do timeta.

Nahume 1:11 Referans Kwoze

Nahume 1:9

Maalakanyo muni mi ku nawo o wukela Mkoma kani? Ene apune a na mi heta motshenu; xomulo kha yi na mbi wuka kumbidi.

2 Makronika 13:7

A to ramba vavamna vokari va migewu, vanana va sigevenga ve wukela Robhowamu, mwanana wa Solomoni; Robhowamu i ti ngadi dijaha asi na mtamo mbiluni kwakwe, kha ya sikota ku va xula.

2 Vafumeli 18:30

Kambe ni kudotho Ezekhiya kha na mbi mi maha mi themba ka Mkoma, a txi khene: Ngu ditshuri Mkoma a na hi hulukisa, kambe didhoropa diya kha di na mbi ningelwa manzani ka mfumeli wa Asiriya.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Ezekhiyele 11:2

Se a to ni gela ku khene: Awe mwanana wa m'thu, avava mbathu va va pimisako wubihi, kambe va ningako sileleto so biha ka diya didhoropa,

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!