Mtuletelo 9:3 - Bhiblia Yo Sawuleka

³ Se ku to huma humbi ngu wutshini mule yi txi ta ha mafuni, yi ningwa mtamo wo nga wa tinhume ta ha mafuni.

Mtuletelo 9:3 Referans Kwoze

Mtuletelo 9:5

Humbi yiya yi to laywa ti to yi si va dayi, aniko yi na va xanise, txipimo txa mtxhanu wa mitxima ngu maxaniselo o nga ya hume, ngako yi txi luma m'thu.

Joyeli 1:4

Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Dhewuteronome 8:15

awule a nga kutsimbilisa ngu mu ka txiwula txa hombe txo thisa, txo tala ni minyoka ya wuxungu, ni tihume ni mu ka ditiko do mbi na mati, a ku humisete mati ngu ka dirigwi do banga;

1 Vafumeli 12:11

Ku nga ku tate wangu a nga mi khinyaveza ngu dikange do nemela, ani ni na engetela kambe dikange danu; tate wangu a mi tsayisile ngu sisephu, se ani ni na mi tsayisa ngu tingume.

Valamuli 7:12

Vamidhiyani ni Vaamaleki ni votshe vanana va wutxani, va ti ti mbambamete mkovani, na i di vavangi nga humbi, ni mtengo wo mbi balwa wa makamelu awe, ma txi nga mtxhefa wa likasani ka linene.

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Nahume 3:17

Va nyamibhoti vako va fana ni tihumbi, se vathangeli vako va fana ni tihumbi ta hombe, ti ti khandamako masetani ngu masiku a pheho; ngu kuguleka ka ditambo, ta puruma, ku si ziwi ni mu ti ku kona.

Nahume 3:15

Eho mndilo wu na kutshokomisa, ditxhari di na kuhetisa; di txi kulovisa nga humbi, anda ku nga humbi, anda ku nga humbi.

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

Isaya 33:4

Sekoko simaha sanu si na handwa, si txi nga ti va ñolisako tona txhowani; a na ndaka kufana ni humbi yi ndakako.

2 Makronika 10:11

Ngako tate wangu a nga mi rweka mrwalo wo nemela, ani na engetela kunemela txitimwi ka mrwalo wanu; tate wangu a mi tsayisile ngu sisephu, kambe ani na mi tsayisa ngu tihume.

2 Makronika 10:14

Se a to va xamula mandingano ni mapswi a vafana kuloni, a txi khene: Tate wangu a nemetisile mrwalo wanu, aniko ani na engetela ku wunemeta kambe; tate wangu a mi tsayisile ngu sisephu, kambe ni na mi tsayisa ngu tihume.

Mtuletelo 9:7

Mazumbelo a humbi ya kona ma ti fana ni mahantxhi o longiselwa kuya yimbini; ha misungoni ka yona humbiyo ku ti ni so fana ni mibhoti yo nga ya nzalama, ni tikhohe ta yona ti txi nga tikhohe ta vathu.