Mtuletelo 9:2 - Bhiblia Yo Sawuleka

² se yona yi to tula txisofu txa diphala do hokoma, se konaho ku to tuvika wutshi, wo fana ni mdhikila wa hombe wa mndilo, ahawa koza ditambo ni ndengelenga si phumaliswa ngu mhaka ya wutshi wu humako ngu txisofuni ka diphala.

Mtuletelo 9:2 Referans Kwoze

Joyeli 2:10

Masoni kwakwe, mafu ma na dhudhumela, nzuma yi na dekadeka; ditambo ni mtxima si na maha sa mtima, ni tinyeleti ti na thavisa kuphatima ka tona.

Genesisi 19:28

Se a to wona Sodhoma ni Gomora ni lotshe libala, a txi wona wutshi wu txi tuvika wu txi guleka ngu ha mafuni, nga wutshi wa txikho txa hombe.

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Joyeli 2:30

Kambe ni na kombisa sixamaliso nzumani ni ha mafuni, mnoha ni mndilo, ni tiphande ta wutshi.

Isaya 14:31

Peka huwa awe txike; kwangula, awe didhoropa; nyunguluka awe ditiko dotshe da Vafilista; nguko ku na huma wutshi ngu Wutxani, ka mbimo ya kona kha ku na mbiva ni wammweyo wo sala ekha.

Mtuletelo 14:11

Wutshi wa kuxaniseka kwakwe wu na tuvika ngu hawa ku si gumiko: Ava va khozelako Txikalani ni txithombe txa txona, ni wuhi ni wuhi a amukelako txixambanyo txa ditina da txona, txima kha nga ni kuhumula, wusiku ni mitshikari.”

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Genesisi 15:17

Ngako di ti swite ditambo, ku to va ni txidema txa hombe; Ku txi humelela txikho txi nga txi tuvikela, ni txisoso txa mndilo txi nga txi pinda ngu hagari ka sihari si si nga bhandiselwa.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Mtuletelo 9:17

Amu ka txiwoniso txangu, ntengo wa mahantxhi ni vagadhi va ona, ni si wonisile tiya: Va ti ambate sikatawu so vhika ngu sona, so bhilivila nga mndilo, ni nkuxe nga jakinta ni halandi nga txivavula, misungo ya mahantxhi yi ti fana ni ya tingonyamo, se ngu mkanani ka ona ku txi huma mndilo ni wutshi ni txivavula.

Dhaniyeli 3:6

Se ni wuhi a no lamba kukhizama e txi khozela, ka mbimo yoneyo a na rinzwa mndani ka txikho txa mndilo wu wu turako ngutu.

Mtuletelo 9:1

Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma,

Mtuletelo 9:11

Humbiyo yi ti fumwa ngu ngelozi ya diphala do hokoma, ditina da yona yi dhanwako ku i “Abhadhoni” ngu Txihebheru ni ku i “Apoliyoni” ngu Txigriki.

Mtuletelo 16:10

Ngelozi ya wutxhanu yi to theketa digombe da yona txitimwi ka txikhalo txa wukoma txa txikalani. Se mfumo wa txona wu to sala mtemani, vathu ve ti luma tidimi ngu kupandiseka;