Mtuletelo 8:7 - Bhiblia Yo Sawuleka

⁷ Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Mtuletelo 8:7 Referans Kwoze

Mtuletelo 9:4

Humbi yiya yi to gelwa ti to yi si dyi mwasi wa ha mafuni, hambi tximilwa txihi ni txihi txi hanyako, hambi mindonga; tsena kuyela vathu va va nga mbi vekwa txixambanyo txa Txizimu timbanzani kwawe.

Ezekhiyele 38:22

Se ni na mlwisa ngu mitungu ni kutheketa mnoha; ni na wisa mati a ndambi, ni marigwi a hombe a maralala, mndilo ni txivavula ni na si wisa txitimwi kwakwe, ni txitimwi ka masotxhwa akwe, ni ka votshe vathu votala va no maneka va di ni nene.

Mtuletelo 9:18

Didhawa da wuraru da vathu, va datwe ngu mhaka ya sitsayiso siya sa siraru: Mndilo ni wutshi ni txivavula, asi si nga txi huma ngu sisofuni ka mahantxhi.

Mtuletelo 9:15

Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.

Isaya 28:2

Wonani taku Mkoma a na rumela wamwamna wa ndena, wa mtamo ngutu, kufana ni kuwa ka maralala, kuxanisa ko khundumusa, ni ku nga txihuhuri txo karata ngutu, txa mati ya ma khulungako, a na va wisa ha mafuni.

Masalmo 105:32

Ha wukhaloni ka mati Txizimu txi to nisa maralala ni midhikila ya mndilo ha ditikoni kotshe.

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Mtuletelo 16:2

Ngelozi yo khata yi to huma yi theketa digombe da yona ha mafuni. Se txilonda txo biha, txo pandisa txi to humelela ka vale va nga ti ni txixambanyo txa Txikalani ni vale va nga ti khozela txithombe txa txona.

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

1 Pedro 1:24

Nguko, m'thu wuhi ni wuhi a fana ni mwasi, kupfaliswa kwakwe kotshe, kufana ni txiluva txa mwasi, mwasi wa oma, se txiluva txi mora,

Jakobe 1:11

Nguko, neti ditambo di txi huma ni kuhisa ka dona, di omisa mwasi, se siluva sa wona si txi mora, kutshura ka wona ka mwalala; ngu tona ti a gwitisako tona nyatithombe ni mabhindu akwe.

Joyeli 2:30

Kambe ni na kombisa sixamaliso nzumani ni ha mafuni, mnoha ni mndilo, ni tiphande ta wutshi.

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Mtuletelo 7:1

Msana ka tiya, ni to wona mune wa tingelozi ti di emile ka mune wa makhona a mafu, ti di ñote maphuho a mune a mafu, kasi ku di si peki diphuho ha mafuni, ha lineneni mwendo ha mndongani.