Mtuletelo 8:3 - Bhiblia Yo Sawuleka

³ Yi to ta yi ta ema yimwani ngelozi hafuhi ni txiluvelo, yi di ni txiya txa txiwungelo txa nzalama. Se va to yi ninga dibaselo da dingi kasiku yi di pata ni mikombelo ya votshe vasawuleki, txitimwi ka txiluvelo txa nzalama, txi ku masoni ka txikhalo txa wukoma.

Mtuletelo 8:3 Referans Kwoze

Mtuletelo 5:8

Mbimo yi Txinvutana txi nga amukela dibhuku, sivanga so hanya sa mune ni madhota a magumi mambidi ni mune va to nama masoni ka Txinvutana, dimwedo ni dimwedo di di ni harpa ni siyana so mahwa ngu nzalama, si di tate ngu dibaselo, i ku mikombelo ya vasawuleki,

Mtuletelo 8:4

Se wutshi wa dibaselo wu txi huma manzani ka ngelozi wu to tuvika wu ya txitimwi masoni ka Txizimu kumweko ni mikombelo ya vasawuleki.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

Luka 1:10

Dotshe dibutho di ti ti khongela, di di hahanze ngu mbimo ya dibaselo.

Mtuletelo 9:13

Se ngelozi ya wutxhanu ni yimweyo yi to veta mpundu wa yona. Konako ni to engisa dipswi di txi huma ngu ka titxheho ta mune ta txiluvelo txa nzalama, atxi txi ku masoni ka Txizimu.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 40:26

A to veka txiluvelo txa nzalama amu ka ditenda da msengeletano, ngu masoni ka nguwo ya m'jiyo,

Vahebheru 7:25

Ngu kota yeto, ene wa sikota kuhanyisa, ka mbimo yihi ni yihi, votshe vale va tshuketelako ngu ngene ka Txizimu, nguko ene wa hanya yotshe mbimo kufela ku va kombelela.

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Amosi 9:1

Ni woni Mkoma a nga ti emeli hafuhi ni txiluvelo se a txi ni gela a txi khene: Peka txitimwi ka tiphande u dekadekisa matimba otshe, sotshe u si maha sikhwemu txitimwi ka misungo ya votshe; se ani ni na va daya ngu ditxhari kala ka wo gwitisa khawe; a wu a ku na tutuma kwawe, kha na mbi huluka, hambi wu a no huluka kha na mbi hanya.

1 Vafumeli 7:50

kumweko ni digombe; ni sipfhito; ni mikamba; ni so bhumulisa, ni ko dhivela makala, sa nzalama yo hehuka ngutu; ni sitsaniso sa matimba a mndani ka wukhalo wo sawuleka ngutu; ni sa matimba a nyumba ya dithepele, sa nzalama ni sona.

Mtuletelo 7:2

Ni woni yimwani ngelozi yi txi huma ngu wutxani, yi di ni txixambanyo txa Txizimu txi txi hanyako. Yona yi to kwangula ngu dipswi da hombe ka mune wa tingelozi ti ti nga ningwa mtamo wa kuonha mafu ni linene, yi txi kha yona:

Mtuletelo 6:9

Mbimo yi Txinvutana txi nga kwamula txixambanyo txa wutxhanu, ni to wona, hahatshi ka txiluvelo, mimoya ya vale va nga dawa ngu mhaka ya dipswi da Txizimu ni mhaka ya kuwa va ngadi fakazela.

Mtuletelo 10:1

Msana keto, ni to wona yimwani ngelozi ya mtamo, yi txi txhika ngu nzumani. Yi ti ambate direfu; ni wulaho wa nzumani wu di ha msungo ka yona; khohe ya yona yi ti fana ni ditambo, minenge ya yona yi ti fana ni tiphande ta mndilo,

Mitengo 4:11

Ha magandeloni ka kona ka nzalama, va na ateta nguwo ya mkuxe. Se va na fenengeta ngu txifenengeto txa didhowo do hehuka. Ngu msana keto va na veka sikhongwani.

Mitengo 7:62

Ku ti ni dijingo da nzalama da digumi da maxekele, do tala ngu dibaselo.

Isaya 6:6

Aniko dimwedo da maserafima di to ni purumela di ti ni dikala da mndilo manzani, di nga teka ngu dibanzi txiluveloni.

Ezekhiyele 41:22

Txiluvelo txa mapulango i ti ti txa kudemba ka mikono yiraru, kulapha ka txona i ti ti ka mikono yimbidi, kambe txi ti ti ni makhona a kona; se txitsaniso ni maseta a kona i ti ti sa mapulango; se a to ni gela ku khene: Ayiya i meza yi yi ku masoni ka Mkoma.

Mtuletelo 8:5

Se ngelozi yi to teka txiwungelo yi txi tata ngu mndilo wa ha txiluveloni, yi txi vinza ha mafuni: Msana keto, ku to dhinda singwalagwanda, kupfala tihuwa, kukeluka nzumani ni kutsekatseka ka mafu.

Mtuletelo 14:18

Se yimwani ngelozi yi ku ni mtamo ka mndilo, yi to huma ngu ka txiluvelo, yi kwangula ngu dipswi da hombe ka yile yi nga ti ni sikela yo lotwa, yi txi kha yona: “Teka sikela yako yo lotwa, u txi wilela sizangwe sa m'vhinya wa ha mafuni, nguko mauvha a wona ma vitute.”