Mtuletelo 8:2 - Bhiblia Yo Sawuleka

² Konako ni to wona tingelozi ta mtxhanu ni timbidi ti nga ema masoni ka Txizimu, ti txi ningwa mtxhanu wa mipundu ni yimbidi.

Mtuletelo 8:2 Referans Kwoze

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Luka 1:19

Ngelozi yi xamute yi txi kha yona: “Ani ngani Gabriyele, wule a emako masoni ka Txizimu, ni rumetwe ku ta womba-womba ni nawe ni ku ta ku xawutela mahungu awa amanene.

Mtuletelo 8:6

Konako tingelozi ta mtxhanu ni timbidi, ti di ñote mipundu ya mtxhanu ni yimbidi ti to ti lulamisela kasiku ti yi veta.

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

Mtuletelo 16:1

Se ni to engisa dipswi da hombe di txi ta ngu Dithepeleni, di txi gela tingelozi ta mtxhanu ni timbidi, di txi kha dona: “Tsulani, mi txi ya theketa txitimwi ka mafu, magombe a mtxhanu ni mambidi a kuhenya ka Txizimu.”

Mtuletelo 15:1

Ni to wona kambe nzumani tximwani txikombiso txa hombe txa kuxamalisa: Mtxhanu wa tingelozi ni timbidi kumweko ni mtxhanu wa mitungu ni yimbidi, yo gwitisa, nguko ngu yona ku na hetiseka kuhenya ka Txizimu.

Zakariya 4:10

Nguko i mani a eyisako ditshiku da timhaka ta tidotho kani? Ina, nguko eyo a na tsaka mbimo yi a no wona ngoti ya lipimo manzani ka Zorobhabheli. Ngu ona maso a mtxhanu ni mambidi a Mkoma, ma wonetelako kotshe ha mafuni.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

1 Vakorinto 15:52

Ngu txikhatianyana txo fana ni kuphanima ka diso, ngu kuvetwa ka mpundu wo gwitisa, nguko kha ditshuri wu na vetwa mpundu, vafi va na wuka va si swi va di ni kusina, athu hi na hinduluswa.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Mtuletelo 8:13

Se konako ni to wona ni kuengisa ngungwa yi nga ti puruma txitimwi ha mpfhukani, yi kwangula ngu dipswi da hombe, yi txi: “Dikhombo, Dikhombo! Dikhombo ka vale va nga aka ha mafuni, mbimo yi yi no vetwa mipundu ya tingelozi ta tiraru ti ku ngadi ti txi na veta!”

Mtuletelo 9:1

Se ngelozi ya wutxhanu yi to veta mpundu wa yona. Konako ni to wona nyeleti yi nga wa ngu nzumani yi wela ha mafuni: Yi to ningwa khiya ya txisofu txa diphala do hokoma,