Mtuletelo 8:11 - Bhiblia Yo Sawuleka

¹¹ Ditina da nyeleti i ti “Muheso” se didhawa da wuraru da mati di to hinduka di maha muheso, se vathu vavangi va to fa ngu mhaka ya mati ma nga ti hindukile me bava.

Mtuletelo 8:11 Referans Kwoze

Jeremiya 23:15

Ngu konaho, nda ku nga tona eto a wombako Mkoma wa Mabutho a Tiyimbi xungetano ngu vaprofeti: Ni na va dyisa manonwe ni ku va dyisa nyongwa, nguko kwa mbi sawuleka ku tshapela dotshe ditiko. Na ku txi huma ngu ka vaprofeti va Jerusalema.

Jeremiya 9:15

Ngu konaho, kuwomba Mkoma wa Mabutho a Tiyimbi, Txizimu txa Israyeli, a txi khene: Ni na va dyisa manonwe, ni ku va seta txhefu.

Dhewuteronome 29:18

Ku nga thuke ku txi vaho hagari kwanu wamwamna mwendo wamsikati, mwendo mwaya mwendo lihunzu, ahale mbilu ya vathu va kona yi ti hambukisako ka Mkoma, Txizimu txathu, ngu kuya khozela sizimu sa ona matiko ale; kasi ku hagari kwanu ku si maneki mkoloti wu wu velekako mndonga wa nyongwa, mwendo wo bava.

Amosi 6:12

Ina mahantxhi ma nga tutuma marigwini kani? Mi nga kudima ngu tihomu kani? Ngu kutxani mi hindula wulamuli wa wunene ngu wubihi, ni mihando ya wululamo ngu wukanganyisi kani?

Amosi 5:7

Anu mi phinduketako wunene ngu mbiti, ni kurinza hahatshi wululamo.

Sidilo 3:19

Alakanya kuxaniseka kwangu ni kurerela kwangu, ngu txhefu ni nyongwa.

Mavingu 5:4

aniko magwito a kona ngu bava ko pinda txibhaha, ni kuhinda ko fana ni ka ditxhari do lotwa madhawa mambidi.

Mtuletelo 8:7

Ngelozi yo khata yi to veta mpundu wa yona: Konako ku to wa maralala ni mndilo, si di patanisilwe ni mnoha: Ku to hya didhawa da wuraru da mafu, kuhya didhawa da wuraru da mindonga, ku to hya mwasi wotshe wo hanya.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Sidilo 3:5

A ni randete, a txi ni dyisa tshiku ni tshani.

Rute 1:20

Aniko ene a ti ti va gela ku khene: “Mi nga ni dhaneni ku ni Nowemi; ni dhaneni ku ni Mara, nguko awu wa Mtamo-wotshe a ni ningile sixaniso sa hombe.

Eksodha 15:23

Sekoko va to ya hoka ka wukhalo wu wu dhanwako ku i Mara, kha va sikota kusela mati ale ma nga ti ti ho konaho, nguko ma txi bava. Ngu mhaka ya toneto wukhalo wonewo wu ti dhanwa ku i Mara.

Zakariya 13:8

Se ku na maheka ka otshe mafu, kuwomba Mkoma, taku madhawa mambidi a vathu, ma na dawa, me lova; aniko da wuraru di na sala.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Mtuletelo 9:15

Ku to thuswa tingelozi ta mune ti nga ti lulamisetwe txikhati, ni mtxima ni dilembe kasiku ti daya didhawa da wuraru da vathu.

Mtuletelo 9:18

Didhawa da wuraru da vathu, va datwe ngu mhaka ya sitsayiso siya sa siraru: Mndilo ni wutshi ni txivavula, asi si nga txi huma ngu sisofuni ka mahantxhi.

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.