Mtuletelo 7:9 - Bhiblia Yo Sawuleka

⁹ Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Mtuletelo 7:9 Referans Kwoze

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Johani 12:13

va to teka mahanga a mitxhese, ve mu hingeta, na va txi kwangula, va txi kha vona: “Hozana! A na dhumiswe awu a tako ngu ditina da Mkoma, Mfumeli wa Israyeli!”

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mtuletelo 6:11

Konaho, mmweyo ni mmweyo wawe a to ningwa syambalo so basa, se ve gelwa kambe ti to veya masoni ngu kuhumulanyana, kala kuza kutatiseka mtengo wa vakwawe ni vanawe, ava va no dawa nga vona.

Mtuletelo 3:18

Na kulaya ti to u ta xava kwangu nzalama yo tshuriswa ngu mndilo, kasiku u txi maha nyatithombe, u xava syambalo so basa, kasiku u ti fenengeta ti to ku si woneki tingana ta wusakato wako, ni mafura o tota maso ako, kasiku u wona.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Jeremiya 3:17

Ka yoneyo mbimo, va na kha vona Jerusalema njikhalo txa “Kufuma ka Mkoma”; matiko otshe ma na sengeletana Jerusalema ditinani ka Mkoma; kha va na mbiswa ve tsimbila madingano ni kuranda ka timbilu tawe to biha.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Luka 12:1

Ka yoneyo mbimo, vathu va ti sengeletanile kwakwe ngu magumi a mazana, ahawa koza ve kandetelana. Se Jesu a to khata kugela vagondiswa vakwe a txi khene: “Ti woneleni ka mtshumbelo wa Vafarisi, i ku wuxengeteli.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Levhi 23:40

Ka ditshiku do khata, mi na hapha mihando yo tshamba, madhavi a mindonga yo tshura, madhavi a mitxhese, madhavi a mindonga yo txhuma, ni mipfhuwu ya mnamboni; kambe mi na tsaka, mi giya masoni ka Mkoma, Txizimu txanu, amu ka mtxhanu wa masiku ni mambidi.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Vahebheru 11:12

Ngu lona likholo kambe, m'thu wammweyo wa kusavelwa ngu lifo a sikotile kuveleka ngamu yayingi yo dinganiswa ni kutala ka tinyeleti ta nzumani, to mbi balwa kufana ni titshenda ta mtxhefa wa lineneni.

Vaefesu 6:13

Ngu toneto, xomani sivhikelo ni matxhari otshe a Txizimu, kufela ku mi sikota kubamba ka ditshiku do biha, se msana ka kuva mi di ti lulamisete, mi na sikota kutserama.

Hoseya 1:10

Ngu kumaha keto, mtengo wa vanana va ka Israyeli u na nga mtxhefa wa lineneni, awule wu si pimwiko mwendo kubalwa; se ku na maheka tito, ka wukhalo wu va nga gelwa ku kha vona: Anu kha mi nga vathu vangu, va na kha vona: Anu mi vanana va Txizimu txi txi hanyako.

Dhaniyeli 6:25

Sekoko mfumeli Dhariyo a to bhalela vathu va tixaka totshe, matiko ni vathu va tidimi to hambanelana, va zumbako kotshe ha mafuni, a txi khene: “Kudikha ku na ande hagari kwanu!”

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Dhaniyeli 4:1

Mfumeli Nebhukodhonosori a to rumela mhaka ka otshe matiko, mifumo ni ka vathu va totshe tidimi, vale va nga aka kotshe ha mafuni, a txi khene: Kudikha ku na ande hagari kwanu!

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mtuletelo 5:11

Konako ni woni txiwoniso, ni engisile kambe mapswi a tingelozi ta tingi, ti di randete txikhalo txa wukoma, kumweko ni sivangwa si si hanyako ni madhota-mtengo wa tona i ti makhulu-khulu ni makhulu-khulu ni mazana a mazana a ku ambi balwa.

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Masalmo 76:4

Wudhumo wako mbwa hombe, awe Txizimu! Wudhumo wako mbwa hombe ngutu kupinda tithundu ta so tekwa yimbini.

Zakariya 10:8

Ani ni na va dhana ngu mloti, ni va sengeleta, nguko ni va tirute, se va na talelana, nga tile va nga ti talisile tona.

Mtuletelo 7:8

Va lihunzu la Zebhuloni i ti 12.000 wa vathu; va lihunzu la Josefa i ti 12.000 wa vathu; va lihunzu la Bhenjamini i ti 12.000 wa vathu va nga vekwa txikombiso.

Mtuletelo 22:3

Kuruketela kha ku na mbi vaho kambe. Ka dona didhoropa diya ku nava ni txikhalo txa wukoma txa Txizimu ni txa Txinvutana, se sithumi sa Txizimu si na txi khozela;

Ezekhiyele 47:5

A to pima kambe 1.000, se i ti ti txinambwana, txa ku vaninga si ti koti ku txi tshawunyeta, nguko mati i ti ti a hombe, o dingana kupinda ngu kusambela, txinambwana txi nga ti si koteki ku txi txhatuka.