Mtuletelo 7:8 - Bhiblia Yo Sawuleka

⁸ Va lihunzu la Zebhuloni i ti 12.000 wa vathu; va lihunzu la Josefa i ti 12.000 wa vathu; va lihunzu la Bhenjamini i ti 12.000 wa vathu va nga vekwa txikombiso.

Mtuletelo 7:8 Referans Kwoze

Mitengo 1:36

Mbimo yi ku nga bhalelwa liveleko la vanana va ka Bhenjamini ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini.

Mtuletelo 7:7

Va lihunzu la Simiyoni i ti 12.000 wa vathu; va lihunzu la Levhi i ti 12.000 wa vathu; va lihunzu la Isakari i ti 12.000 wa vathu.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Genesisi 30:24

Se a to mraya ditina daku i Josefa, a txi khene: “Mkoma a na ni ninge mmwani mwanana wa mfana!”

Genesisi 48:19

Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

Valamuli 1:22

Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.