Mtuletelo 7:4 - Bhiblia Yo Sawuleka

⁴ Se ni engisile ntengo wa vale va nga bhalwa sikombekiso: I ti 144.000 ava va nga bhalwa ka tixaka totshe ta vanana va ka Israyeli.

Mtuletelo 7:4 Referans Kwoze

Mtuletelo 14:1

Se ni to wona tiya: Txinvutana txi ti emile txitimwi ka mmango wa Siyoni, kumweko ni 144.000 wa vathu, avava va nga ti bhatwe ha mbanza ditina da Txinvutana, ni da Tate wa txona.

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Mithumo 26:7

i ku txithembiso txi tihunzu tathu ta digumi ni timbidi ti verelako ku txi mana, na ti txi khutalela kukhozela Txizimu wusiku ni mitshikari. Mfumeli Agripa, ni mangalelwa ngu Vajudha ngu mhaka ya txona txithembiso txiya.

Mtuletelo 9:16

Mtengo wa mtxawa wa vagadhi va mahantxhi i ti 200.000.000, ni wu engisile ta tinene mtengo wa kona.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Varoma 9:27

Isaya nene wa huwelela ta Israyeli, a txi khene: “Hambiko mtengo wa vanana va ka Israyeli wu fanako ni mtxhefa wa lineneni, miboti yokha ngu yona yi no poniswa;

Ezekhiyele 48:31

Se sike sa didhoropa si na va madingano ni matina a tihunzu ta va ka Israyeli: Sike siraru so rendekela wulambwe: Txike txa ka Rubheni njimwetxo, txike txa ka Judha njimwani, txike txa ka Levhi njimwani;

Zakariya 9:1

Dipswi da Mkoma do wukela ditiko da Hadraki ni Dhamasku, i ku wukhalo wakwe wo humula ka wona; nguko mawonelo a vathu ni a totshe tihunzu ta ka Israyeli, ma rendekela ka Mkoma.

Ezekhiyele 48:19

Se avale va thumelako didhoropa, va na di thumela ka totshe tihunzu ta ka Israyeli.

Ezekhiyele 47:13

Mkoma Txizimu a khene: Awuwa wu na va m'hingano wa ti mi no tekisa tona ditiko ni thomba, madingano ni digumi da tihunzu ni timbidi ta ka Israyeli. Josefa a na va ni madhawa mambidi.

Genesisi 15:5

Sekoko Txizimu txi to teka Abramu txi mu yisa hahanze, txi txi kha txona: “Hi nga gula maso u txi wona nzumani, u bala tinyeleti, mwendo u na sikota ku ti bala, txi txi kha txona: Liveleko lako li na talisa ku nga tona ti.”

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Mtuletelo 7:5

Ka lihunzu la Judha ava va nga ti vekilwe txikombiso i ti 12.000 wa vathu; va lihunzu la Rubheni i ti 12.000 wa vathu; va lihunzu la Gadhi i ti 12.000 wa vathu;

Luka 14:22

Se txithumi txi txi kha txona: ‘Mkoma, ati u nga ruma ti mahilwe, kambe wukhalo wu ngadi ho.’