Mtuletelo 7:17 - Bhiblia Yo Sawuleka

¹⁷ Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Mtuletelo 7:17 Referans Kwoze

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Johani 4:11

Wamsikati a to khene: “Mkoma, khu nga ni txo reka ngu txona mati txisimani, kambe ni txona txisima txi hokomile, se u na ma mana hani mati a kuhanya kani?

Mtuletelo 22:1

Msana keto, ngelozi yi to ni komba mnambo wa mati a wutomi, o khetima nga kristali; wu txi huma ngu ka txikhalo txa wukoma txa Txizimu ni txa Txinvutana.

Mtuletelo 21:4

Se Txizimu txi na bahulela yotshe mirongo tikhoheni kwawe; kha ku na mbi swa ku txi maneka kambe lifo, hambi kudila, hambi tihuwa, hambi kupandiseka, nguko so khata si pindile.”

Masalmo 23:5

U ni lulamisela m'buso masoni ka valala vangu. U ni totile msungo wangu ngu mafura o bhumula u tata digombe dangu, di thekelela.

Mtuletelo 21:6

A to engeta kambe a txi khene: “Ona mapswi awa ma tatisekile. Ani ngani Alfa ni Omega, ngani Makhato ni Magwito; ka wu a ku ni ditora ni na mninga mahala mati a txisima txa wutomi.

Johani 10:11

“Ani ngani mudyisi wamnene. M'dyisi wamnene ngu wu a ningelako wutomi wakwe ngu mhaka ya tinvuta takwe.

Isaya 25:8

A na fuvisa lifo ngu ha ku si gwitiko, ngu kumaha keto, Mkoma Txizimu, a na bahula mirongo ka totshe tikhohe, kambe a na thavisa tingana ta vathu vakwe kotshe ha mafuni, nguko Mkoma a wombile.

Johani 10:14

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

Mtuletelo 5:6

Ngu toneto, hagari ka txikhalo txa wukoma kumweko ni mune wa sivangwa so hanya, ni madhota, ni woni Txinvutana txi di emile, nga txi to bhaywa. Txi ti ni mtxhanu wa titxheho ni timbidi, ni mtxhanu wa maso ni mambidi, i ku mtxhanu wa Mimoya ni yimbidi ya Txizimu, yi nga rumwa ka dotshe ditiko.

Matewu 2:6

“Awe Bhetlehema, ditiko da Judheya, khu nga m'dotho hagari ka madhoropa a hombe a ka Judha, nguko mthangeli wu a no xayisa ngamu yangu Israyeli a na velekelwa kwako.”

Isaya 12:3

Se anu, ngu kutsaka, mi na reka mati ka sisima sa kuhanyisa.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Isaya 60:20

Kha di na mbi ngadi di txiswa ditambo dako, hambi mtxima wako kha wu na mbifa, nguko Mkoma i nava liwoningo lako yotshe mbimo, ni masiku a m'zila wako ma na guma.

Isaya 49:9

kasi ku txi khawe ka vale vo sungwa: Humani; se ni ka vale va ku txidemani, u txi khawe: Ti wonekiseni. Vona va na dyisela tinzilani, ni ka otshe makhalo o guleka va na mana wudyiselo wawe.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Mtuletelo 4:11

Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Mika 7:14

Dyisa vathu vako ngu ndonga yako, i ku mtxhambi wa thomba yako wu zumbako wokha txitingani, hagari ka ditiko do nona; wu na dyiselwe Bhasani ni Gileyadhi, kufana ni masiku a kale.

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Masalmo 22:26

Sisiwana si na dya kala si khura; avale va lavako Mkoma va na m'dhumisa. Va na hanye ta tinene kala kupinduka!

Isaya 30:25

Kambe ka yotshe mimango yo lapha, ni ka sotshe simangwana so guleka, sinambwana ni milonga ya mati, ka ditshiku da kudawa ka hombe, mbimo yile si nowa sitezi.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Isaya 65:19

Se ni na tsaka kona Jerusalema, ni pfalisa vathu vangu; kha ku na mbi ngadi kambe kupfala wakwe dipswi da kudil, hambi dipswi da huwa.

Matewu 5:4

Va katekile ava va dilako, nguko va na thavelelwa!

Johani 4:10

Se Jesu a to xamula a txi khene: “Idiku wo txi ziva txihiwa txa Txizimu, ni ti to i mani wule a ku khene: ‘Hi nga niha mati o sela’ nga i di awe u mu kombelako ti to ene e kuninga mati a kuhanya.”

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

Mtuletelo 21:22

Kha na wona dithepele ni da dimwedo didhoropani, nguko Mkoma Txizimu txa mtamo wotshe ngu ngene i ku dithepele da kona, kumweko ni Txinvutana.

Mtuletelo 21:23

Didhoropa kha di lavi kuwoninga ka ditambo, hambi ka ntxima, nguko dona di woningwa ngu wudhumo wa Txizimu, ani dilambu da kona ngu Txinvutana.