Mtuletelo 7:15 - Bhiblia Yo Sawuleka

¹⁵ Ngu toneto, va maneka masoni ka txikhalo txa wukoma txa Txizimu, va txi txi khozela wusiku ni mitshikari, Dithepeleni ka txona. Awule a nga khalahatsha ha txikhaloni ka wukoma a na va fenengeta ngu ditenda dakwe.

Mtuletelo 7:15 Referans Kwoze

Mtuletelo 22:3

Kuruketela kha ku na mbi vaho kambe. Ka dona didhoropa diya ku nava ni txikhalo txa wukoma txa Txizimu ni txa Txinvutana, se sithumi sa Txizimu si na txi khozela;

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

1 Makronika 23:25

Nguko Dhavhidha a ti khene: Mkoma Txizimu txa Israyeli, a ningile kuhumula ka vathu, aniko a na zumba Jerusalema ngu ha ku si gwitiko.

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

Mtuletelo 7:9

Msana keto, ni woni dibutho da hombe da vathu, ava ni mmweyo asi sikotiko ku va bala, va otshe matiko, totshe tixaka, yotshe mixowo, ni totshe tidimi. Va ti ti emile masoni ka txiluvelo ni masoni ka Txinvutana, va di ni syambalo so basa, na va di ñote mijindo manzani kwawe.

Mtuletelo 4:4

Txikhalo txiya txa wukoma txi ti ranganyetilwe ngu simwani sikhalo sa wukoma sa magumi mambidi ni mune; txitimwi ka sona ku ti khalahatshile madhota a magumi mambidi ni mune, ma di ni syambalo so basa, ma di ni mibhoti ya nzalama ha msungo kwawe.

Vahebheru 8:1

Se, msungo wa mhaka yi hi yi wombako ngu wuwa: Hi na ni Mphaxeli Wahombe wo ngeto, awu a nga khalahatsha txineneni ka txiluvelo txa wukoma nzumani.

1 Vakorinto 3:16

Kasi kha mi tizivi ti to mi dithepele da Txizimu ni ti to Moya wa Txizimu wu zumba kwanu kani?

1 Vafumeli 6:13

se ni na zumba hagari ka vanana va ka Israyeli kambe kha ni na mbi leka vathu vangu va Israyeli.

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Mtuletelo 4:9

Se, txikhati ni txikhati sivangwa si ningako kupfalisa ni kubonga ka wule a nga khalahatsha ha txikhaloni ka wukoma, ene wu a hanyako kala kupinduka,

Mtuletelo 13:6

Txona txi to tula txisofu txi ruketela Txizimu, txi ruketela ditina da txona, ni ditenda da txona, ni va va zumbako nzumani.

Mtuletelo 21:22

Kha na wona dithepele ni da dimwedo didhoropani, nguko Mkoma Txizimu txa mtamo wotshe ngu ngene i ku dithepele da kona, kumweko ni Txinvutana.