Mtuletelo 7:10 - Bhiblia Yo Sawuleka

¹⁰ Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

Mtuletelo 7:10 Referans Kwoze

Mtuletelo 19:1

Msana keto, ni to engisa txo nga diguwa da dibutho da hombe da vathu, di txi huwelela, di txi kha dona: “Haleluya! Kuhanyisa ni wudhumo ni mtamo si lumba Txizimu txathu.

Masalmo 3:8

Kuhanyisa kuta ngu kwako, Mkoma makatekwa ako ma nave txitimwi ka ngamu yako.

Mtuletelo 12:10

Ngu msana ni engisile dipswi da hombe da kuta ngu nzumani, di txi kha dona: “Ndiye mbimo ya kuhanyiswa, ya mtamo ni mfumo wa Txizimu txathu, ni wukoma wa Mesiya wa txona; nguko a rinzilwe hahatshi mmangaleli wa vanathu, awule a nga ti va mangalela masoni ka Txizimu wusiku ni mitshikari.

Isaya 45:21

Zivisanani mi tshuketa, mi maha txikungo motshenu; i mani a nga zivisa tiya kukhukhela kale kani? I mani kukhukhela kaleko a nga zivisa kani? Ina hingani Mkoma kani? Se kha ku na tximwani Txizimu hahanze kwangu; Txizimu txo lulama, ni M'uhanyisi, kha txingaho, hahanze kwangu.

Mtuletelo 22:3

Kuruketela kha ku na mbi vaho kambe. Ka dona didhoropa diya ku nava ni txikhalo txa wukoma txa Txizimu ni txa Txinvutana, se sithumi sa Txizimu si na txi khozela;

Vaefesu 2:8

Nguko mi hanyisilwe ngu mhaka ya tikateko ni kukholwa. Aniko hi nga ta kumahwa ngu mtamo wathu, njiningo txa Txizimu.

Johani 1:29

Mangwanani ka kona, Johani a to wona Jesu, a nga txi ta kwakwe, se a txi khene: “Wonani Txinvutana txa Txizimu atxi txi kuwulako sionho sa ditiko.

Isaya 43:11

Ani, ani ngani Mkoma, se hahanze kwangu, kha ku nga ni M'hanyisi.

Mtuletelo 21:5

Senikoko, awule a nga ti maneka a di khalahatshile ha txikhaloni ka wukoma, a ti khene: “Wonani: Sotshe na si hindula si txi maha sa siphya.” Se a to engeta a txi khene: “Bhala, nguko mapswi awa ngo thembeka ni a ditshuri.”

Luka 3:6

Votshe vathu va na wona kuhanyisa ka Txizimu.”

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.

Mtuletelo 5:7

Txinvutana txile txi ti ya amukela dibhuku ka dianza da txinene da wule a nga khalahatsha ha txikhaloni ka wukoma.

Mtuletelo 4:6

Masoni ka txona txikhalo txa wukoma, ku ti ni txo nga Linene la ngilazi lo fana ni kristali. Txikhalo txa wukoma txi ti ranganyetilwe ngu mune wa sivangwa so hanya, na si di tate ngu maso, masoni ni msana.

Johani 4:22

Anu mi khozela txa ku ambi txi ziva, athu hi khozela txi hi txi zivako, nguko kuhanyiswa kuta ngu ka Vajudha.

Johani 1:36

Ku ti ngako a txi wona Jesu na a txi pinda, a to khene: “Wonani Txinvutana txa Txizimu.”

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Jona 2:9

Aniko ani ni na kuninga miphaxo ngu dipswi do bonga, a ti ni nga xambanya ni na ti maha; kuhanyiswa kuta ngu ka Mkoma!

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Isaya 45:15

Ngu ditshuri awe u Txizimu txi txi ti sisako, Txizimu txa ka Israyeli, M'hanyisi.

Masalmo 115:1

U nga dhumise athu Mkoma, u nga dhumise athu, aniko dhumisa ditina dako da wudhumo, ngu mhaka ya lirando lako ni kuthembeka kwako!

Masalmo 37:39

Kuhanyiswa ka valulami kuta ngu ka Mkoma, ngene wuthavelo wawe ka timbimo ta sikarato.

Zakariya 4:7

U mani awe, mmangowe wa hombe kani? Masoni ka Zorobhabheli u na va libala; nguko ene a na tisa dirigwi do khata, se vathu va na kwangula, va txi kha vona: Wumbilu, wumbilu wu nave kwakwe.